依家轮到我啦, 我都讲下我既烦恼啦
我系呢间公司有一年了,
我系一个比较孤僻既人, 同D同事无乜深交, 只系有一个比较倾得埋既同事,
我觉得我系同事既心目中, 应该无乜负面新闻呱, 因为我真系日日坐系座位, 无乱八卦, 无乱讲野, 无针对任何人, 无得罪任何人
我科室, 有个文员, 可以讲系部门经理既秘书,
距同个个同事关系都好好, 有几个特别玩得埋, 我捻我系其中一个,
距系独生子女, 所以D性格就有D"为我独尊"甘咯, 有时要人帮距做野D口吻会系"命令式"甘
而D人都会好就距, 因为系经理秘书, 而且好得经理中意, 距同经理老婆又好好朋友
距好中意使人做野既, 中午大家都出去食饭, 距会翻宿舍训觉, 叫人地帮距打饭
其实呢个都无咩, 顺便帮距带饭者, 我好乐意甘做
而距又好为食既, 我有摩托车, 好多时夜晚下班, 距就要我车距去麦当劳个D地方去食野
呢个我都唔系甘反感, D地方又唔系远, 大家高兴去食下有咩所谓
有时我唔系甘想去我都会推距既, 不过拒绝人我唔系甘识, 又惊搞到距唔高兴, 话晒都系经理秘书, 要慎重对待
我会借D意话同男朋友有约啊甘推距咯, 但系距听左又系唔开心既. 有时真系觉得距唔系甘识谅解人.
平时距都有叫我帮距做野既, 距去培训啊请假既时候, 距D工作就系我帮距做既
系距自己钦点我做既, 唔系经理既意思, 可能距觉得我得闲, 不过讲真, 部门里面就系我同距比较得闲, 唔稳我稳边个做呢
而距D工作系唔可以摆抵唔做, 一唔处理, 部门就接近瘫痪(秘书虽然系做D琐碎事, 但系都好重要)
而今日下午, 距话要去公司总部办D事, 公司总部唔远, 8百米到啦,
距有单车, 但系距话好晒, 叫我开摩托车距去, 翻来请我食野
我见闷, 觉得趁机出下公司都好啊, 甘米车距去咯,
我地顺便买左麦当劳翻办公室, 比几个人见到
之后我果个好倾得埋既同事同我讲, 叫我以后唔好帮个秘书做野, 距话D人偷偷地话我系跟班!
听左之后我觉得有D委屈, 但系又觉得, 自己系几似跟班架
不过我可以点选择呢? 同事之间互相帮下忙, 而且又唔系咩大忙, 有咩问题啊
个秘书都有叫其他男生帮距做野, 总之同距玩得埋既都会被距叫帮距做野, 唔通距地又系跟班?
如果距地系我, 距地可以拒绝个秘书咩? 距地点样拒绝? 我想学一下!
刚出来社会, 高级人际关系我真系唔识处理,
我唔系专门要讨好人地, 我既宗旨系唔好得罪人地
经理我都无故意讨好, 何况系一个秘书.
换转系其他同事, 我都一样会帮, 同我好倾得埋果个同事, 距都系有时会叫我点点点, 我都无推距
D人话我系跟班, 捻起都觉得委屈
