一共去咗三次亚米拉,每次都系同唔同既朋友去,但感觉好似每次都唔一样....
1st time: 8月7号晚,同朋友食完饭,谂住去上佳市揾以前细个个时间"长江合和冰室",点知去到先发现系"新香江",失望之极....后来谂起间新嘢--"亚米拉",就去试试!
感觉唔错,山药卷几好,茉香比思乐冰既好饮,环境相对思乐冰好DD!加上当时无咩人,算系比较静.
所以,综上所述,感觉可以打分为90分.
2nd time: 8月23号晚,带个朋友试下新地方!(因为之前同佢成日去思乐冰!)
但一推开门入到,闻到一阵好难闻既气味(唔知咩食物,可能系整D咩丸咩丸啦)!而且,个晚刚好系星期六,人超多,我地唯有坐系里面,但个盏灯实在太暗,影响捉棋....
所以,综上所述,感觉可以打分为80分.
3rd time: 8月26号晚,谂住同个朋友去食雪糕,就特登去亚米拉啦....
人一般咁多,但有人食烟,唯有又坐番系上次个角落头度!今次L咗好多嘢食,都系之前未叫过既!不过,感觉比较失望呢!
香蕉船,竟然系三色雪糕球+红豆+一圈cream(好似系),连杂果都无旧,唉....差身过百草堂呢!
黄金虾饼,系就系有虾味,但感觉唔到有真真实实既鲜虾味!食完觉得有D咳!
咖喱鱼蛋,简直呀,无法形容....差,很差,非常差,十分之差....卖相已经唔掂啦![chao]皮缩埋一旧,衰过冬天买呢打边炉个D呀!一啖咬落去,里面个心好似硬硬地既(唔知系系用微波炉叮得唔够熟),外面再加D咖喱汁咁样!衰过去民信食用滚水煮熟蘸辣椒酱既鱼蛋呀!
最后,埋单个阵,感觉好似收多钱(但当时佢无挪单埋呢计,只系话几钱几钱),但好似唔好意思同人对数,就无问.但自己心算,点计都好似多成10几蚊!D印花唔记得俾几个喇!(唔知系系10蚊一个印花哩?!)
所以,综上所述,感觉可以打分为65分.
总体呢讲,亚米拉无当初咁吸引我喇!或者第时都系去番思乐冰喇!
[
本帖最后由 K-Aloha 于 2008-8-26 23:30 编辑 ]
