如题，请教各路英雄啊。谢过先啊。

你要抽几日得闲既时间出黎，比如星期六、日，系屋企陪住巨：
首先，狗狗嘘嘘系有一定规律既，（1）训醒之后几分钟内就会要嘘嘘了，一见巨训醒，你就带巨去屙嘘嘘既“厕所”，轻柔甘摸摸巨个头，然后守住巨，仲反复同巨讲“屙嘘嘘！”，耐心守侯，等巨屙完就即刻赞下巨“你好乖吖”，再奖励小小零食巨，过程一定要耐心温柔，因为狗狗要屙个时会好容易受到打扰而停住。就好似有次，我只狗本来就要屙嘘嘘了，但我无睇到，我系房间大声甘叫巨个名，巨就连嘘嘘都吾屙就腾腾腾跑过黎了。
（2）食完野之后，狗狗都系会系10分钟左右屙嘘嘘屙臭臭，甘你可以系巨食完之后带巨去“厕所”陪住巨，耐心等巨屙。如果你觉得好难等，就同巨系“厕所”旁边玩，玩左一阵之后巨肯定要屙噶了，你就要仔细观察，一见到巨吾同你玩而停落黎，开始打圈圈甘行，仲吾停甘用个鼻去嗅地面，甘呢个时候就要及时牵引巨到“厕所”既位置啦！巨就会好爽快屙了，因为个时巨已经比较尿急啦！
（3）除左上面两点情况，其他时候狗狗都会屙嘘嘘噶，比如跑黎跑去玩到口渴，巨大量饮水之后，无几耐就会要屙嘘嘘了。呢种情况就要你多留意，留意巨既动作“转圈圈、嗅地面”，一见呢D动作，就系要屙，你就要牵引巨去屙。

     以上反复指引巨去“厕所”，成功几次之后，大概几日既时间就可以形成狗狗能自己去定点“厕所”解决大小便啦！

     不过就算几日过后，你见到巨已经学识左定点大小便，巨都有可能偶尔会出现误差，比如玩得太癫又太急尿个时，就会吾记得去“厕所”解决咯！发现呢种情况，能当场捉到巨最好，用适当既力度打巨个PP，话“吾可以！”，然后带巨去“厕所”，再温柔D叫巨屙。如果当你发现个时巨已经屙左，你就捉住巨个头，摁巨个鼻去嗅地面既尿尿，同时闹巨“吾岩！”再用适当力度打巨个PP（力度能让狗狗感觉到小小痛就得了，吾好太大力去打），令巨知道系“厕所”以外既地方屙就会比主人闹。


呢D系我既经验，可以比你作为参考。

[ 本帖最后由 雨逸尘 于 2008-8-26 13:14 编辑 ]

哇~经验丰富

真系叹为观止·····

其实我都系饲养新手来噶！
刚开始买狗狗翻屋企个半个月，一样搞到我手忙脚乱，一日拖地N次，几乎停吾到落黎，因为吾知点样令巨去指定地方屙臭臭。我学人地，放几张报纸铺系地面，巨尿湿左既报纸就留系度，其他就逐渐减少抽走，渐渐留低一块。但呢个方法对于我只狗行吾通，因为D报纸铺落去无几耐，就会比巨撕咬到融融烂烂，我惊巨食左D报纸落肚，所以呢个方法吾得；
然后我又买左宠物诱便液，喷系指定地方，但狗狗几衰下，除左我喷左诱便液既地方巨吾屙，其他地方都屙，简直就系打一枪换一个地方，整死我了。个诱便液又失败左。
后尾我买左个大狗笼翻黎当狗厕所用，观察巨差不多要屙嘘嘘个时，就带巨去笼个度，等巨屙完就放巨出黎，及时赞巨乖同埋奖励小小零食巨。就甘样反复几次，几日就形成巨自己去厕所方便咯。其中有几次出左差错，巨屙系个笼边，比我闹巨一餐打巨PP几下，后尾都无点样出错了。

[ 本帖最后由 雨逸尘 于 2008-8-27 13:23 编辑 ]

犀利吖  你真系好耐性吖

引用:

原帖由 。矇豬êуě 于 2008-8-27 11:56 发表
犀利吖  你真系好耐性吖

呵呵！无耐性养吾好狗狗噶！而我本身系特别中意狗狗架！好吾容易买翻只狗狗，我好着紧巨！巨系我既宝贝！锡晒巨！

[ 本帖最后由 雨逸尘 于 2008-8-27 13:22 编辑 ]

引用:

原帖由 雨逸尘 于 2008-8-27 11:51 发表
其实我都系饲养新手来噶！
刚开始买狗狗翻屋企个半个月，一样搞到我手忙脚乱，一日拖地N次，几乎停吾到落黎，因为吾知点样令巨去指定地方屙臭臭。我学人地，放几张报纸铺系地面，巨尿湿左既报纸就留系度，其他就逐渐 ...

多谢你意见啊。

我屋企只狗狗好细只架。罗番黎养两个星期啦，先得个两斤。

我教狗狗去人去既厕所得得架？仲有啊。我只狗狗好懒，连屙尿尿都要坐系度屙，真系啤巨激晕。平时我只有晚上同星期日系屋企者。都经常陪住巨啦，只系趁我地唔注意，就会乱黎~呜！

真是要好有耐心先得。。。

我果只教极都吾识噶。搞到我日日都围住距D"杰作”拖地！