经过琴晚嘅爭吵.我終於選擇離開屋企一段時間.望住住咗廿年嘅屋企,離開真系逼迫不得而,我真系無辦法再住落去,我又何嘗唔心痛吖.我走個時都覺得自己咁就無咗依靠一樣.但總要學會獨立.

我細老居然為咗上網.屋企乜都唔理乜都唔做.我唔希望佢再咁落去就鎖住部電腦.結果佢粒聲唔出托咗部電腦出去俾人整.話佢兩句仲大打出手,為咗上網連我呢個家姐都可以打.屋企為咗佢嘅學業洗咗幾錢蚊去幫佢買個學位翻來.幾千蚊對於人哋來講可能唔多.但對於我哋屋企來講依家系一個唔小數目.

我老豆系呢度揾唔到嘢做決定去第個地方揾.要離開屋企一段時間.我唔放心我老豆一把年紀一人系出外揾嘢做幾辛苦.有咩事又照應唔到.我吖媽又唔理屋企咯.水電全部我老豆俾.我就算俾家用都補唔到咁多.我成日都同我老豆講唔夠錢就用我俾嘅家用用住先.佢又唔捨得.話呢啲系屋企用嘅.我知我老豆覺得我哋大個啦管唔到咁多.佢睇住我細老變成咁佢有幾心痛我唔知咩.

我都唔明白點解我細老會變成咁.鬧又鬧過.打又打過.講道理都講得多啦.佢一直都無變好.成日約埋一大班人翻屋企上網.D垃圾周圍丟.屋企成個垃圾場咁都唔理下.高中生啦仲細個咩.為咗佢嘅嘢屋企人真系已經放棄啦.

無辦法再理啦.所以我決定離開一段.我要等佢知道屋企無水無電個陣.究竟系點生活嘅.佢唔挨過唔知揾錢辛苦.

其实我有时都几反叛架屋企人态度越坚决我就越反叛，但有时心平气静同我讲我可能会听，无论点都系一家人，家家有本难念的经每个家都有不同的问题，走不是解决问题，系呢个世界上最亲的只有这几个人了少一个就无的了再也找不到令一个去代替吾同情人无了可以再找一个

自己教唔到既，就去稳D同巨倾得埋既朋友去教巨
巨已经对屋企人有反叛心理，所以你讲咩，巨都唔入耳
我啊弟都系甘...烦

其实我今日早上都谂咗哩个问题，
网瘾系一种心瘾，心瘾嘅形成系因为生活唔够充实所致。
你可以叫你个细佬尝试下出来做嘢，要佢出来自力更生。
咁样可能会帮到佢的。

青少年一但到咗反叛期，我哋就唔可以用打骂嘅方式去教育，尤其系强硬嘅教育方式。
你可以用逆向思维去谂对策教育佢。

其实我觉得,你应该送你细老去D记宿学校,或者D山区学校,应为我个妹都曾经有过一段反叛奇,后米我老豆就送巨去D记宿学校,去几个月度啦,甘个人都变好多.