呢段时间觉得自己嘅心一直都好乱,好多嘢烦.我依家做开呢份工我真系好想辞职唔做,但系我又怕失业.

做一个文员好明显系一个打杂,但系同自己身边嘅同事或者同学比个时,我觉得我呢份打杂嘅工比人辛苦好多.

我经常要开车上大良几乎去匀成个大良咁制,有时仲要搭车去广州同佛山,甚至有时仲要去三水南海个D地方.

我为咩要去咁远.只系因为公司有D证件要本公司人员带住先可以.所以我就要必须跟埋去.我嘅任务就只系睇住D证件.但系就要去到死远嘅地方.

D同事有时会觉得我嘅任务好似好轻松咁,但佢哋又点知成日开车出去有几累.落雨翻风.日头几十度高温都要出去.我经常开车开到只手麻晒.翻到来个时个人真系好累好累.

申请加人工又唔加.我真系好想走人.但系我又好担心失业.所以依家都唔知点算好.家下仲收紧千2嘅人工咋

你哋帮我分析下.俾D意见我吖

[ 本帖最后由 桑高妮 于 2008-8-11 16:00 编辑 ]

引用:

原帖由 桑高妮 于 2008-8-11 15:51 发表
呢段时间觉得自己嘅心一直都好乱,好多嘢烦.我依家做开呢份工我真系好想辞职唔做,但系我又怕失业.

做一个文员好明显系一个打杂,但系同自己身边嘅同事或者同学比个时,我觉得我呢份打杂嘅工比人辛苦好多.

我经常要 ...

有时候我哋会觉得依家嘅状态不如身边人，原因系你迷路了。
就以我为例，我依家系我阿叔间公司里面做质检，日日系成40度嘅车间工作，而且日日要开工，晚晚要加班，连星期天都无埋，先得个千二三蚊工资。
而我D朋友呢？每日开工8小时，星期日有假放，工资收成2000蚊个月。
我有时都会好似你咁谂的，但经过我自己一番分析之后，我揾到咗我自己嘅道路了，我明白我依家应该做D乜嘢，我要点做先可以令到间公司起飞，我同自己讲，依家间公司只系训紧觉，迟D我就用我嘅能力去叫醒佢。
所以我到依家都唔再埋怨份工作，我有时会因为工作而得到自我素质培训，令到我嘅人生又迈进咗一大步。

就好似我依家甘，我入去间厂系做文员，但到头来原来老板只当我一个打杂，边度车间缺人，我就要去帮手，你知吾知我都好难受，巨其它人巨吾会叫去车间，只叫我去，我心理都好吾平行，但我依然好乐观甘去做野，我都有认真林过，自己系尼度有无发展前景我先决定转吾转工。我好认真甘林过，我系尼度系无发展，所以我决定辞职，因为我系个度只不过系一个前台，而我当初入来我无林过要做前台，系巨调我去做既，所以一个吾重视员工既老板，我留系度都无意义，所以最终我都决定离开，所以楼主你自己林清楚，系度有无发展前景，如果有，就何必要辞职，你应该更加乐观面对

咁我都讲下我自己个例子俾你听啦,一年前,我入佐某间厂做人事文员,好听就係文员,唔好听就係打杂,入佐去2个月左右啦,我有走嘅冲动,但一谂到自己岩毕业出黎无乜经验,所以留係度做,谂住过年佐就向老细请辞.过佐年后,我向老细请辞,点知老细极力挽留我,话以后俾多D野我做,我谂应该有发展呱,所以留下来了.过佐一段时间,老细就叫佐我入去同我倾计,佢叫我帮个跟单手,帮轻下佢嘅工作,我觉得咁样都会有突破咯,对自己未来都有帮助.....直系E架,我都未转过一份工,这就是我毕业后的第一个工作地方

其实我都有谂过有坚持过.我唔做都做咗成年咯.当初入行个阵个老世真系无同我讲过要我出广州佛山咁远嘅地方,佢只系话我最多去下大良咁,但系依家呢三水南海我都要去,身心疲累.

你哋如果问我有无发展空间,我就好似个快递员咁每一日都重复咁送嘢去大良其他地方,部车系我自己嘎.唔系公家嘎.烂咗要自己整无补贴.当初我出咗车祸公司一分都无补过俾我,我自己整车加埋足足用晒成个月嘅工资.当时我架车烂咗我要请假去维修.当时我个主管仲话我小小事都要请假我成个人心都凉晒

一个每一日都送件嘅人有咩前途吖.我系一个文员但系我觉得自己唔似文员.同事有咩要外出嘅,佢哋自己见我平时出去多就叫我帮手.依家油费咁贵我唔够四日就加次油,虽然话有补贴但系我部车除咗补油费后就乜都无.烂咗自己整,有时整车嘅费用足足可以用我一半工资去.

有时我真系好想走.但系依家揾工比较难.唔系我都唔使做咁耐啦

点解想转工又怕稳吾到工呢？得罪讲句因为技术吾够别人高所以怕稳吾到工，其实我刚出来做野都系得800蚊个月咋而且做到第4个月先有工资收，从容桂开车到中山不论乜天气都系甘啦，依家升3000蚊了，吾好睇工资高低系睇有无前途，有前途的话再通过自身的努力别人一定会看得到你的努力会给予机会你发挥架，算我愚见我觉得一般公司的文员2000蚊个月已经是算高啦难道你甘心你工资极限得2000蚊吗？想人地比高工资你你要睇睇自己有乜料子可以令人地高薪请你先得的，想有料子非一朝一夕的事要通过自身的努力提升自身的质素我不是说自己的工资高我是想用我的身体力行话你知想进步一定要学多D技能先得架

对，所以我都系知道自己系尼度无乜野学，所以我都系决定走~~~我相信我自己既选择，如果我以后会后悔，我一定比依家更加努力，我依家都系度不断为自己增值，我相信只要我肯努力，我就吾会停留系现状

一个女仔，在外长期奔波能够想象得出非常不易，想要脱离现状（心理状况），我认为要吗努力学习一项专业，成熟时再跳；要吗就认定这份工，努力做好它。工作是生活的一大部分，我们应该善待它，而不应该让它成为一种痛苦。

子曰：“三人行必有我师。”
虽然你依家只不过系一个普通文员，而且仲要日日都开车去唔同嘅地方，话虽辛苦，但你有无谂过系咁嘅状态下，用身边嘅事物去提升自己呢？
你日日都要开车出去，无疑你会从中接触到好多嘅事物同人，如果你可以巧妙咁系里面学到一个属于你自己嘅专项技能，咁你米就赚到本钱咯。

就好似我有个朋友咁，佢初初出来做嘢嘅时候又系好似你咁，日日都要去跑业务，佢自己本身住容桂的，上班地点系大良，佢嘅业务就系乐从，南海等地方，而且每个月先得个千几蚊工资。真系连车费都亏埋咯。但佢无放弃到，佢反而更加努力，佢将平时嘅个D业务地点嘅关系到打好晒，依家佢去蒙牛，同雀巢面试，个D公司争住要佢。
所以，你唔好睇少你自己依家嘅工作，可能某朝一日，佢会系你揾食嘅本钱。