各位容桂嘅兄弟姊妹们,请注意!!
今晚食饭食咗一肚气,地点係容桂交警中队对面涌一间叫”礻 斤….”嘅饭店!叫咗一只”’扇’鸡煮毛蟹”(后来加咗半只鸡),二斤<<虾生>>,仲有两份青菜,一个<<鱼球炒菜心>>(收咗25呅),四五支啤酒,一支”粒橙”(收咗10呅)!收钱449呅,一跟单,各样菜单价贵不但止,原来”芥辣豉油”要收钱,食咁耐虾生都未试过,之前服务员又无讲!之前只鸡已经觉得唔系好够份量嘅嘞,但呢啲真系口同鼻拗,无得讲嘅,依家一睇张单仲兴!叫佢开发票竟然开咗啲唔系间铺嘅发票,我几大都唔肯啦,要佢开有佢间铺个公章嘅发票,佢当然开唔出啦!有个唔知系咪老板娘嘅女人行入嚟,话间铺仲系”临商”紧(睇佢间铺都应该开咗有一段日子),无发票!叫我哋 有胆就去税局查一下!我哋唔肯,拗得两拗,你知个女人点讲啊!佢竟然话唔在乎我哋一两个客,激到我哋埋单即走俾450呅佢唔使佢找!!!
唔怪得我哋成晚食饭已经话点解咁大间铺得个两围台客人,服务员係大厅度行行企企,有围台着厨房衫嘅人就得闲到坐係门口将台度吹水,个阵先7点几未够8点,原来系有原因嘅!咁做生意,真系要祝佢”生意兴隆”先得!!
