作者: 忻忻@yan 时间: 2008-1-24 10:34
应你地既要求，我来写一个外篇，希望可以满足到你地既求知欲啦!
!.我从一开始真系估唔到Eid系玩我，所以当佢讲到话佢系“第一次”既时候，我真系几担心自己醉酒出事架，不过我后来啉过如果真系有D咩事，我无理由完全无感觉，所以松左口气。
2.当Eid话佢女朋友唔稳佢，而我打过去佢又话同我分手既时候，我的确比佢吸引住，可能系我既好奇心作怪啦。
3.第一次系公司大门见到着浅蓝色衫果个真系Eid来架，呢个系后来我问佢先知既。佢仲话我知佢一眼就认得出系我，不过当时我借路人甲单挡，所以佢无办法埋身，哈哈...
4.跟住Eid就成晚跟住我，所以我系新冶就算坐到地炉佢都会知。后来阿成同我讲过，系一个闹剧当中佢无篇过要Eid强吻我呢段(汗 @!@)
5.原来果几晚阿成一直都系Eid台车里面做柴可夫，怪唔知得Eid唔拉我上佢台车，一定要我坐的士，呢个归于我醉左大意。
6.Eid同阿成都系LA返来，怪唔知英文了得果晚可以系电话同鬼佬讲甘多野啦!原来进步可以如此简单。
7.其实Eid果晚发既几条短信我真系有感动过，不过感动同感情差离天隔丈远，你唔会因为一个人感动左你，你就仲意左佢系咪？
8.关于Cut线呢个问题我问过当时人(eid),佢打死都唔肯认呢个系佢既习惯，佢话系因为LA 既人讲野都好爽，讲完重点就收线。(甘咪又系习惯!晕@-@)
9.当知道绑匪原来就系Eid既时候，其实我就开始定落来啦，因为系电话既接触里面，我都感觉到佢唔系一个几坏既人。
总括来讲，我觉得如果我需要既系一个胳头，Eid的确系一个优良既选择，可惜我要既系一段爱情。
--------------------------------------------------------------------------------
作者: 忻忻@yan 时间: 2008-1-24 10:34
Eid 讲得系岩既，最起码佢会问我仲唔仲意佢，最起码如果佢得到左我个答案就唔会再带住一个遗憾返LA。但系我呢？我唔知自己既心态系咩，如果一个人出现左系你身边唔够一个月，突然间问你仲意同唔仲意既问题，我啉条题比几台计算机你都未必识计啦!但系我又真系必须比个答案佢，所以
M“或者你唔想带个遗憾返去系岩既，又或者人地讲男同女之间无纯净既友情都系岩既。但系你有无啉过，如果无答左你之后，你都系一样会带住个遗憾走呀？”
E“你唔好逃避答案啦，无论你个答案系咩我都接受，我只系要一个答案。要一个由你个心来答既答案呀。唔做任何既假设。”
M“何必逼得我甘紧呀!单纯既友谊关系，唔系好咩？如果我答左你，我啉我地既友谊就会玩完。”
E“事情都发展到呢个地步，我唔觉得我地可以当咩事都无发生过罗!如果你同一个男人训左一晚之后，你可唔可以当咩事都无发生过呀？”
Eid一句令我哑口无言(的确无可能当咩事都无，因为我都知道左佢仲意左我)但系同一个男人训一晚之后，我就真系可以当咩事都无发生架，因为我真系咩事都无发生呀嘛。一日之间发生左甘多既野，大脑经过多番既冲击之后，我根本就无办法清醒甘啉野。呢个时候我净系想独处，就系呢个两难既时候，我手机上面显示一个陌生既来电，天打救罗
M“喂，你好？”(边个都好啦，唔好系打错)
S“系我!”
M“哦，点呀，有咩帮到你呀？”(一听到系阿成把声，我就马上武装起自己，完全忘记呢一间既阿成唔系无身边)
S“你有无事呀？系边呀？”
M“无事呀，我依家系珠江边!”(我会有咩事呀，又唔系饮完酒)
我啉我甘答阿成之后，阿成都无办法再讲落去。但系我又好想阿成继续讲野落去......
to be continued
--------------------------------------------------------------------------------
作者: 忻忻@yan 时间: 2008-1-24 10:35
S“你无事就好就OK啦，我都知你无甘容易有事架啦!系呀，我今日本来想比埋D手信你架，但系你走得太快啦，所以无比到。你几时得闲出来罗呀？”
M“手信？随便!但系我呢排都唔得闲!”(见到你咪最好既手信罗，仲有咩呀我都唔想要呀)
S“唔得闲，甘我今晚罗过你度啦，我到你楼下再打比你呀？我想同你倾下计!”
M“哦”
本来我好想讲话我唔得闲，但系因为我实在太弱，行为控制唔到思想，所以只可以发出单音。我知阿成既意思系要同我讲野，所以我先千方百计话唔得闲，但系我啉阿成都会知我既造化。(系啵，既然佢今晚来见我，甘我要执执个样先得)
E“边个打来呀？”
M“无，一个朋友者，我想返屋企啦，唔该你车我返去啦。”(我唔算讲大话架，顶多就系忍瞒实情者)
E“又唔使多谢，我都有私心既。”
M“...无语...”(估唔到Eid甘直接讲野，搅到我真系有D唔习惯，所以只好办听唔到)
上车之后可能我真系太体力透支了，所以无耐就训着左了，而Eid系中途不断甘讲野，但系今次我真系听唔到罗。(点解甘难呼吸既，死啦，空气稀薄呀)
系梦里面我突然间跌左落水，中睇到水面有只白熊系有望下有无猎物。吓到我即时醒左，点知一开眼就见到Eid个脸既大特写!
M“你!”(条件反射，双手捂嘴)
E“我？对唔住!不过到了。”
M“哦，唔该!我走了，88。”(超快速度开车门)
E“88，我...”
我马上落车逃离现场，头都唔回就跑返屋企。我唔知自己系咪真系误会左佢，不过，最好就系我小人之心度佢君子之腹啦。(今晚要着咩衫好呢？)
--------------------------------------------------------------------------------
作者: 忻忻@yan 时间: 2008-1-24 10:35
可能系因为个心净系啉住阿成既关系，我完全将Eid放飞。当然我都明白向人表白，然后比人拒绝既滋味，但系爱情唔系你话分比你就可以分比你既实物来架嘛.
由于唔知阿成会同我讲D咩，我只可以自己不断系度假设(如果阿成再表白，我应该点？唉，都系见到面先再算啦)
无错，因为我通常唔按法规办事，就算依家啉得好好地，到真系实操既时候都会比我打乱晒。呢D系我一向既扮事方式。
时间好快就来到晚上既10点，我揸住个电话好似待嫁新娘甘(等等，系望夫石；唔系，唔系，应该似小煮妇；唉!总之我都唔知似咩)我望住个电话，又不时用屋企个电话打下自己台手机，睇下系咪坏左。最后我终于不得不接受阿成又一次使我失望既事实，始终佢都系无打电话来约我出去。但系我都扮到靓晒，无整由唔出街甘浪费架(蒲啦，蒲啦!好耐无蒲啦，三日啦，好辛苦架嘛)
于是我啉都唔啉就罗手袋出街(阿成唔系我唔比机会你呀，系你无真惜我既机会喳)平时我一定会打的去新冶既我，今晚好似兴趣唔大，所以我叫司机车我去沿江路，我决定去到边间岩FEEL就留系果度。
XX吧内我稳左个靠门口既吧台位坐底，因为又方便走，又方便去WC呀嘛，基本上如果一个人蒲我都会选呢D位。但系呢D位有个唔好之处，就系多人同我搭讪(话甘快有条粉友行紧过来啦，甘就叫佢路人丙先啦，真系几似燂炳文既)
丙“靓女可唔可以借个火呀？”
M“唔好意思我唔吃烟架!”(先生可唔可以借过呀)
丙“依家唔吃烟既女仔好少有啵，难得呀!”
M“系咩？我身边无吃烟既朋友既!”(你岩从乡下出来呀？难怪呀)
丙“系咩，呵呵...你一个人来呀？我可唔可以请你饮杯酒呀？”
M“唔使啦，多谢!”(我可唔可以请你走呀)
--------------------------------------------------------------------------------
作者: 忻忻@yan 时间: 2008-1-24 10:35
我好不耐烦甘答阿丙(真系猪过猪头炳)，我四围甘望想转果个位，唔想比呢件阿丙烦住，但系可惜我大失所望。
丙“咦，你好似系度等紧人啵，甘岩既？我都系呀，不如我地一齐玩住先呀!”
M“我想享受下DJ既心血先。”(你唔好玩我啦丙哥)
丙“呵呵，甘我唔阻你啦!”
终于路人丙衰左甘退开佢既位置，虽然我无望佢个脸，但系我肯定佢系臭既!哈哈...但系我自己都开心得唔系好耐，因为我感觉到身边又有另外一件臭男人坐底了(千祈唔好又骚扰我就得啦)
“靓女自己一个人呀？”
M“唔系呀，我等紧我男朋友呀!”(天呀，天底下既男人都甘无聊既咩？)
“我做你男朋友好无？”
M“哈哈...靓仔真系识讲笑啦。不过我真系等紧我男朋友，如果你想识女朋友，或者对面有唔错既选择。”(简直丢假呀，不过讲野点解甘直接既？都系无理佢，费是多个误会)
“我啉左好耐架啦，我都系觉得你做我女朋友好D”
M“唔好意思，失陪!”(对付傻佬既唯一办法系闪)
我望都唔望佢一眼就转身走，点知条无聊友拉住我只手(真系佛都有火呀，我要闹人啦)
M“先生你仲有无......阿成？”(唔系饮多左两杯有illsion?)
--------------------------------------------------------------------------------
作者: 忻忻@yan 时间: 2008-1-24 10:42
S“无赖定系色狼!？做咩呀？太耐无见我，连我都唔认得呀？”
M“系估唔到你会出现系度。”(真系阿成，佢真系)
S“我见到有靓女系呢边呀嘛，咪过来追下睇下有无机罗!点者，我做你男朋友好无者？”
M“呢度个DJ打碟打得唔错!你过到去果边D吧有无甘利害既DJ呀？”(好呀，我要做你女朋友)
S“打得仲利害过呢个好多呀，你要唔要亲身过去感受下呀？包你话不枉此生呀!”
M“哈哈...有无甘夸张呀？我都想过去呀，可惜要签证，又要排期，好麻烦既!你知我怕烦架啦!”(点解唔继续问我做你女朋友既事呀，差少少我就答应你架啦，你问啦，问多一次就答应你)
S“我有两个办法可以等你唔使甘烦既!第一个就系你着件泳衣带够粮吃游过去，到时我一定系太平洋边接你既!”
M“唔制，我会做左大白沙既午餐既，到时你就等到头发都白晒。我情愿选No.2啦!”(我可以想像到阿成白住头发果个搞笑样)
S“第二个就系嫁比我直接跟我过去，舒舒服服甘跟系我身边，一切都有我帮你啉帮你挡。”
我望住阿成讲No.2既选择，但系估唔到阿成会用呢个方法来引我。气氛突然间变左质，明明系好噪既地方，但系好似得返我地两个，而阿成一直望住我等我比个答案佢。(唔系佢系度讲紧笑)
M“喂，甘样求婚，削D挂!系唔系都应该有花同戒子啦，你识唔识架？那我放钱落你袋呀，今晚你请!”(我唔敢肯定阿成系讲真定讲假，但系我唔敢正面回答阿成既问题，因为我怕答案连我自己都惊)
S“我请就我请，我担心你唔饮得喳!”
就系阿成呢句(惊我唔饮得)使到唔复输既我饮到我都唔知道自己饮左几多.如果话我既大限系一支既话,我啉今晚我地两个人饮左两个半甘多既大限.其实阿成可以饮几多我真系无底,因为次次我饮到差唔多既时候,阿成就识叫我停,而我就永远唔知到佢其实由几时开始已经停左.
但系好明显,今晚既阿成都应该大限将致,因为系我眼中阿成识转架(系一切既事物都识转,仲好玩过旋转餐厅)酒仲有半支,个场清得七七八八啦,净返小猫三四只系度玩,有个着得好少布既女性行埋来,佢罗住只杯,对住阿成讲
L"一齐玩呀?"(小姐你处胸露左大半啦)
S"唔好啦,我地都唔饮得啦!"
L"甘我地去宵夜呀?"(真系满城全是大波妹)
S"唔好意思我地无宵夜既习惯!"
L"哦!甘..."
M"阿成我好晕呀,我想返屋企啦"(无得甘呀,哈哈)
虽然个女人仲好似想讲D咩甘,但系见到我甘既情况,阿成无再同佢讲任何野,就扶住我行出吧打的.我好开心,因为我地将个大波妹同果半支酒都留底左(如果要我饮埋果半支酒,我真系情愿脱衣)
S"喂,唔好训着呀,我放你系的士唔要你架!"
M"得啦,你到我屋企就叫醒我啦!"(想呕,好想呕)
S"但系我送左你返去,我惊我返唔到我屋企啦!"
M"甘咪上来我到训罗!"(快D到啦,好想呕啦)
S"你讲架!唔好引我呀,你以为我怕呀!喂,喂..."
之后我再听唔到阿成同我讲D咩,因为我已经系的士上面训着左罗.....
S“喂，喂，喂，快D醒啦，唔好训呀，到啦!”(唔好打我，唔好打我，我知道，比我训多阵)
我啉阿成都无我办法挂，因为我唔知系自己够竟系甘烂训，定系甘醉，阿成系用拖既手法拉我落车既。我本来训着左仲好好地，但系依家一有D醒就又开始想呕了。基本上我后脚踏出的士门，喉咙就涌出一股酸水(忍无可忍就无需再忍啦，边个叫你叫醒我，你付返一半责任都应该挂)阿成系毫无预兆既情况下，件衫等于比晒我!
S“喂，同你有仇呀？屋企系边呀？锁匙呢？今晚你以身相许呀!”(仲敢胆要我以身相许，唔知系边个搞成我甘既)
我完全系唔答阿成，因为我知道如果我再开口，又系一次“杰作”!阿成系我既“指”道下，我地跌跌撞撞甘返左上我屋企，然后佢马上掉左我落厕所，而且仲系门口放下狠话。
S“我比二十分钟你，如果你唔清醒甘出现系我面前，我就入去帮你清醒!听到未？”(到底系咩同咩呀，呢度系我主场啵)
M“嗯......”
我发出单音之后，系厕所吐得一塌糊涂，完全不顾仪态可言。酒精系胃全部被反出来既滋味，我啉唔到可以用咩詞来形容(应该每个人都会试过挂)个胃比我吐得清光光。然后我仲要忍住晕既冲动，快速甘冲左个凉着返原来既衫(无罗任何可换既衫入来)，即刻开左个门先。一个高大既人影向我压过来
S“做咩仲着返呢套衫呀？换左佢啦!饮左佢，对你个胃好D。仲有呀，罗件衫比我换，我冲个凉先!唔好训着呀，唔系我光脱脱行入你间房架!”(你又无罗衫比我，点换者!我最憎饮脱脂奶架啦)
由于醉既关系，我系无思考既余地，阿成话罗件衫比佢我就入房罗件睡衣比佢(睡裙)。并无多啉过佢系一个大男人，净系知阿成要我饮呢支脱脂奶，然后我饮左唔够几啖就爬上我张床了。实在系敌唔过酒精既劲道，点知就系我合上眼之制，一个笑话来啦。阿成着住我件半透明既睡裙，以想吃左我既目光行左入来(死，唔记得左锁门)
M“哈哈哈......”
S“仲笑!仲唔罗过第二件衫比我，我就要系度脱架啦，我里面咩都无着架!你系咪想睇下呀？甘我依家除罗”(比阿成甘搞一搞，我眼训走左一半)
M“唔系呀，好好睇呀!好.好.好，我罗过件比你!甘你自己D衫呢？”
S“洗左!”(哦，原来洗左!洗左？)
阿成答得好坦然，睇来阿成真系醉了，唔系佢点会系我屋企洗衫。见到阿成行埋来就要除衫(系裙)既态度来讲，我只好快快手手现稳件衫比佢着。但系一个身高一米八既男人，要我系呢一唔够160既女人衣柜里稳件合适既衫难D挂。我就快要反转个柜，但系都系稳唔到任何既衫比阿成。于是我想转身叫佢自己过来选，但系当我转身就发现
阿成已经半裸甘系我张床上面训着左，佢用被遮住左下身，所以我唔知佢有无着(唔系呀，甘我张床仲使要既。不过张床好似好舒服甘啵，要快D占返个位先得)我无多啉床上呢个系男系女，净系想快D有个舒服既地方训觉好既。但系可能系脱脂奶戏关系，又可能系身边有人既关系，又或者系灯光既关系，我点都训唔着。呢个时候我只有眼光光望住阿成，听到阿成既呼吸声，大概当年我系阿成既床上佢都曾经有甘望过我挂。(究竟佢有无着UN呢)我知道我甘啉好唔岩，但系我就系停唔住自己既啉法。(忍无可忍就唔好再忍啦，掀开张被偷睇一下咪知罗，掀啦，佢又唔会知既)无错，佢又唔会知既，我手偷偷地甘拉高张被......一只大手捉住呢只就来犯罪既小手，然后我头都唔敢抬就知道自己比人发现左，当然都唔使照镜就知自己有几面红。
S“真系有甘想睇咩？”(系呀，系呀!唔系呀)
M“你讲咩呀，我惊你冻帮你拉返D被喳!”
S“甘点解我感觉张被系向上升，唔系向前移既呢？”(感觉到？佢唔系训左了咩)
M“哈哈哈...睇来你真系醉啦，快D训啦!系咪训唔着呀？饮D奶啦，好训D架!”
S“唔好叉开话题!仲有饮完酒再饮奶系因为等个胃好过D，唔系好训D，猪!”(哦，原来系甘)
M“都唔知你讲咩，我好醉呀，我训啦!系呀，露台有架干衣机，你听日发挥无线精神，唔好叫醒我!”
S“你醉左呀？我唔知自己会做咩事架!喂，喂，甘咩系无线精神呀？”(先唔信你做得出D咩呀)
M“无线精神，搅掂走人呀!”
我背对住阿成训,又唔敢乱反身,只怕一动阿成就会对我出手.但系我又训唔着,一个动作维持5分钟都超辛苦啦,更何况对我呢个饮醉左既人,简直比S更难受呀.(阿成训着左未呢?等佢训左,我又可以...我啉紧咩呀)
M“阿成...阿成...你训左未呀?”
S“嗯...”（咦，有机可乘啵）
M“我有D野想同你讲呀！你系咪训着左呀？”
S“......”（我有问过你架，不过你答唔到我喳）
M“甘我唔客气啦！”
我慢慢甘转身，每个动作都极为微细，深慢会噪醒果只就快唔小心走光既猪。我看下现时既阿成，佢离我超近，佢每一个细节我都睇得好清楚。我只手偷偷甘抓住张被，以免好次上次甘比佢当场捉住，所以甘次我学精左，由旁边入手（甘就可以更快甘打开睇到啦）
（奇怪，按道理应该是男人想睇女人至岩架，点解我会甘变态想睇阿成被里面既春光既。唔系我有问题挂，会唔会变成色情狂架，点算呢，但系我又真系好想睇下有咩来呙）
S“喂，快手D好无呀，小姐。我定甘耐好辛苦架！”
M“咪噪啦，落紧手罗！”（咦，乜仲有人系度咩）
我一望阿成，阿成笑住甘望住我（晕，我好晕呀）
M“你窄训！”（呢锅大罗）
S“唔好眨眼啦，你睇！”
M“你,啊......”
我估唔到阿成甘大胆真系掀起张被,但系边个叫我无胆呀.我一意识到佢要番开张被,我就马上合上眼兼转头啦,仲边敢睇呀!
S“哈哈哈，点呀，唔系好想睇既咩？咪等你睇下罗！点呀，比多次机会你啦，我数一二三架啦，一，二，三！”
M“好呀！”
阿成点都估唔到我会突然间转番个头过来，以我就估唔到阿成居然真系又掀开张被比我睇，结果......
M“啊...你变态佬，你过分！你...哈哈哈...”（阿成着住我条天使底底B既短裤仔，要几搞就有几搞）
S“你仲笑，唔知系边个搞成我甘既呢，你仲笑系嘛，仲唔收声系嘛，一...二...”
M“得，得，得，知道，唔笑，唔笑...就其...哈哈一个大男人，天使底底B，哈哈。”（气质完全吻合）
S“仲笑，甘算啦，我唔着啦，除番比你！”
M“唔好，唔好，大不了我唔笑啦！你唔好除啦，我送左比你做留念啦。”（我边甘要呀，依家都变左佢既贴身衣物了）
突然间，我地大家都静左落来。本来就训唔着，比阿成甘搞一搞，我就更加训唔着了。我望下阿成，见阿成都好似无乜睡意，（同阿成来个酒后吐真言至得）我自己都比自己既啉法吓亲。
M“不如我地玩真心话同大冒险罗！”
S“好呀！比你先呀.”（点解我觉得阿成系度偷笑既）
M“我既真心话系：你有过几个女朋友；大冒险系：着住天使底底B行出露台！”
阿成咩都无讲，就起身行左出露台，仲大摇大摆甘笑住行返返来。我唔知道自己点解会问D甘无聊既问题，而我更加估唔到既系阿成连甘无聊既问题都唔更答我（唔通阿成系露体狂，睇来都似啦，唔系岩岩唔会甘自觉拉起张被比我睇）
S“到我啦”
阿成望住我笑住同我讲,佢既笑意另我忽然间有种自己跳落陷阱既感觉（系咪我自己错觉喳）
既然都淋湿左个头了，就唔会再介意个身有无湿到，(而且阿成都唔会甘狠，问D咩既咩题挂)
S“你既三围系几多呀？唔答就show你依家件内衣过我睇!”(毒得你呀!不过我唔一定要讲真话者)
M“哈哈...36.24.36”
S“你估你系超模呀，我睇你得34.34.34喳!你讲大话呀，快D show内衣!”(34.34.34水筒呀)
M“唔信呀，我真系有36架!算啦，既然你都唔信我了，甘大家唔玩罗，训觉啦!”
S“玩落去我都唔太着数，都系训觉着数D，训罗!”(甘就放弃，唔通阿成变左)
阿成呢头话训，果头马上眯埋只眼，好似真系好眼训甘。系两年前，可能我同阿成日日都有交集，所以我唔多唔少都可以，感觉到阿成接下来要做D咩，又或者佢系度打咩主意。但系两年后既今日，我再唔可以啉到阿成啉既野，唔知系阿成变左，定系我变左!(唉，算啦，啉得太多唔好，都系训啦)
“他不准我哭，怎么可以哭...”电话点解系呢个时候响既？一睇个钟，03：38，呢个时候既来电...Eid!我望下阿成，阿成虽然系眯埋只眼，但系我仍然感觉到佢既压力。(点办呀，点算呀，接定唔按)我罗住台手机，首先按下静音制，由佢系度系甘闪系甘闪。
S“接啦，你唔接佢系唔会死心既啦!”
M“你又知？”(因为唔确定阿成知唔知电话里面既人系边个，所以我要问得有技巧D，以免搬石头来砸自己只脚)
S“佢知道我今晚要同你出去!”
M“佢点会知呀？但系你今晚都唔算有出现呀。”(既然阿成都讲到甘，证明佢真系知，甘我就无为谓再遮遮掩掩)
S“你唔接，我帮你接啦!”
估唔到阿成甘快手，一手罗抢左个电话过去，然后就接起左，我真系大气都唔敢透。(原来佢仲系无变，帮我解决我问题)
S“喂，佢要训觉，唔好噪住佢。”(死蠢，甘咪比佢知道我地系埋一齐罗，仲讲训觉)
S“无，我系佢屋企，都唔好阻住我地训觉啦!”(点解讲下，讲下好似我地做紧D唔见得光既事甘既)
S“系甘啦!”(完架啦，三句就完？)
阿成将手机比返我，然后再次拉高番张被，眯返埋只眼。
S“唔好成脸问号甘望住我，我咩都唔会答你既。训啦，总之佢唔会再打来架啦!快训，熊猫”(熊猫？边个熊猫，我几时有问号呀)
