Eid带左我来江边，人烟稀少，但系风吹埋来使人好舒服既感觉。我同Eid稳左个地方坐底（如果我依家既心情唔系甘，我啉我都会仲意呢个地方）
M“点解甘帮我？”（其实我系想问Eid点解甘玩我，但系心情烦乱既我将问题讲错左）
E“吓？”
M“无野！识你甘耐好少听你讲自己，不如你讲下你D野比我听呀！”（其实我净系唔想大家都静晒，所以是但稳D野讲下）
E“不如你问我答呀！”
M“好呀，甘你有无女朋友呀？”
E“无，不过我有个钟意既人。依家到我问你，你有无男朋友呀？”（突然间既问题，使我唔知点答）
M“喂，明明系我问你，点解变成你问我架？”
E“甘先公平架嘛，电视都有卖啦，一人让一步世界就自然好！你快答我呀，唔系要你吃晒筒鸡架！”（讲埋晒D九唔搭八既野，我完全唔觉佢有解释）
M“呢个世界无得公平果啵！你一开始就知道我甘多野，甘我咩都唔知，我句唔equity啦。”
E“所以依家咪比机会你问罗，最多你问两句我问一句啦！甘得了挂。唔好甘啦，人成日要计较公平好辛苦果啵！放松下啦香港人！”（甘似广告对白既？比我记反起系边个讲就收你版权费）
M“甘我有权保持沉默，呢题跳过啦！到我问你，你系点知道我甘多野架？”
E“阿成讲既”（Eid脸有难色甘开口，其实我由见到阿成开始，我都估到一切系阿成讲啦）
M“究竟知道我几多野？”
E“由应该知道既都知道，到唔应该知道既都知道埋罗。基本上无乜系唔知道，除非阿成有心唔讲。”（呢句有答等于无答既说话，我跟本就唔识听）
M“你同阿成点识架？”（明明我系好唔想提起阿成，但系自己既深处总系忍唔住自动自觉提起佢）
E“佢系我LA果阵既室友。”
M“甘你几时开始对我有认识呀？”（室友？阿成系过去读书，定系做野呢？点解当初唔话我知）
E“系有一次我同佢约埋去饮酒，佢饮得差唔多揽住我叫你个名。从果次之后我地就熟落左，阿成讲左好多同你一齐既事，亦系果时开始我想见下呢个神奇既女主角。”
M“佢讲左我D咩比你听，等你对我甘大兴趣呀？”（阿成会醉！阿成好少会醉果啵）
E“一个可以使男人为佢饮醉既女人，就算系咩都唔知都已经够吸引啦！到我问你啦，唔讲男朋友啦，你依家有无仲意既人呀？”
M“有！甘点解你地会返来呀？”（我唔想讲大话，自岩岩见返阿成，我对佢既FEEL就无停过，我好清楚甘睇到Eid神色特然一闪）
E“放假阿嘛，阿成话好想返来睇下，两年习惯左阿成系房间，所以咪同埋佢一齐返来罗。其实我都有私心既，因为我知道只要我同佢一齐返来，我实会有机会见到你。但系我真系唔知佢会策划依次既事件架。”
M“系呀，唔知佢会策划，但系配合佢就够死啦！唔系你地，系我死呀嘛！都唔明你点解唔反抗架！”（原来一开始就对我设计，真系难委我甘高度配合罗，怪唔知一切都甘巧合啦）
E“反抗？有架，我开始都叫阿成唔好甘玩，因为始终你都系女仔。但系阿成话你既受力情度好高，属于胆大心细形，唔会有事，再加上我既私心作怪，所以我后来无再反对。”
M“我公司转左你地都仲稳到既？”（私心作怪呢句好，等我记低佢先。）
E“都几辛苦架，先又担心你有无搬屋，系你小区楼下等左几日都唔见人；又去过你以前公司等，结果都一样；等我想放弃果阵，阿成突然间唔知点探到你系新冶蒲紧，所以我先开始接触你，跟住果晚我就打电话比你，之后所发生既事你都有份参与啦”
本来我想问Eid系咪阿成叫佢锡我，但系我问唔出口，所以只好从另一个角度试探一下，点知就系我呢句话，使我带早另一个麻烦。
M“怪唔之得你地神出鬼没啦，原来跟左我甘耐。甘个计划系一早就写定稿架啦？”
E“本来我提议我地草议过几个方案，但系阿成话你出牌永远唔按章法，所以我地最后都系都系选择见招拆招。果然你真系同阿成口中所讲既一模一样，完全非能人所能，甚至连我都对你有D着迷。”（着迷？唔系想借意又来第二局呀，我先唔陪你地玩呀，扮听唔到）
M“甘点解选依家来停呀？”
E“呢个我都想知。本来我地讲好话要系酒吧扮偶遇既，就系我地第一晚相遇既时果晚。但系就系因为你既唔按章法，令到我做左D唔系结局内既事。果晚返到屋企阿成就话要公开个游戏了。甘你憎唔憎我呀？”（怪唔知果晚佢无开车送我返屋企啦，全完阿成在场，甘唔应该做既事又系咩呢）
M“甘唔可以讲憎你既，计起你都算系一个共犯者。更何况你依家肯自首，罚你守行为一年啦！”
E“甘既然你唔憎我，甘者系仲意我啦！”（突然既问题，比着边个当会意唔到佢系讲真定假啦）
M“哗，比无赖仲无赖啵。吃野啦，哈哈......”
E“我系讲真架，你仲唔仲意我呀？”（我唔会再上你地当架啦，好玩呀）
M“唔同你玩啦吓，你再玩我嬲架！讲笑呢样野有个限度好D，我唔认为原谅左一次既野，可以代表永远原谅罗！”
E“我真系无玩呀，你信我，我真系想知你仲唔仲意我!其实呢句话我好早就想问你，可惜一直无机会，今日我终于有呢个机会，我好想你唔以一切为前提甘，好好地甘答我个问题。”（咩叫唔以一切为前提呀，如果系甘我就唔会识你啦）
M“第一，我唔认为我有咩可以吸引到你；第二，我唔认为我答左你之后，我地会有咩交集。又或者你比个解释我！”
E“两年来阿成每日都会提到你既一点一滴，所以我可以话我比你吸引左两年同你交集左都两年。之所以甘样问你，我系唔想自已有一个遗憾系呢度！”
Eid讲得好理所当然既话，对于我来讲压力好大。当然我体会唔到，佢点样系两年中比我吸引，因为无人系我身边讲同一个人两年。但系佢既话语中我就知道阿成两年来从来未忘记过我,只要我知道呢个结局就够了。起码我知道系我比过去折磨既时候，同时都有一个人活在回忆中......
