“嘻...要呀，有咩服务呀？”(其实呢个时间我喊紧，但系一听到佢把声，我就突然间觉得好warm)
“仲乜把声甘既？喊来呀？系咪有D乜事呀？”
“无乜事呀，睇紧小说D情节感动到我喊之嘛!你甘都听得出既？”(甘都知我喊，我把声甘易听得出咩)
“一定唔系啦，你今晚讲野既语气都有问题，发生左咩事者？讲比我听啦，就算帮你唔到都可以同你share呀嘛!”
“真系乜都瞒你唔住，今日系公司......”(佢真系好贴心，我将事情发生既经过讲晒比佢听)
当然从中佢有安慰下我，咐和下我，同埋都分析左好多我做得唔够既地方。总之讲完呢个电话，我觉得原来世界之大，真系必有我师，而且系佢身上我可以挖掘到好多既宝。亦都可以话系呢个电话，使我对佢既介心完全甘放低晒，以后既事更无可不对他言啦。
然后，我最深印像系我地见面既第一次。唔知系咪我讲电话无意中漏左口风，使佢知道左我公司既地址，系3月某大雨既下午，我突然间收到佢个电话。
“喂，靓女心情系咪好烂呀？”
“知我心情唔好仲打电话来？系咪罗闹？”(我一直有呢个坏习惯，反正一落雨我就来火)
“系呀，我份人就系有D甘既嗜好，仲意比靓女闹，仲要仲意送货上门果只!点呀？唔抵得咩!？”
“甘你既然有D甘既嗜好我无理由阻你既，呵呵...唔同你吹啦，今晚要OT!再吹可能要做到8.9点呀”(当时我完原get唔到佢话送货上门既意思)
“甘惨呀!好啦，甘你做野先啦!迟D见!”
由于我当时无心听佢讲迟D见呢句话，仲以为佢系一时口快，所以无放系心上。等我O完T真系8点几啦，个肚饿到叫左几十次!我快步甘行出公司大楼(今日真系黑呀，又落雨又要OT)我原完无注意到自己身边有人系到帮我挡雨(咦，系啵，落雨!)我望向吓身边有个高大既人开住把伞!?
“唔该晒，其实我有带伞!可以了，Thank you .”
“要真系多谢我，就请我吃餐饭啦!话晒我都送货上门啵!”
“送货上门？......!阿成？”
回答我既系一个微笑，我知道佢就系阿成，因为我睇到佢既笑容就觉得好warm,好熟悉既味道。
“点呀？饿唔饿呀？要唔要吃D野呀？要发烂喳都要有气力先得果啵!”
“好呀，去吃野呀，但系呢头我唔知有咩好吃!”(我无拒绝佢，因为我觉得我地识左甘耐，都系时候见个面，既然依家呢个时候都出现左，就无谓再等下次)
“我带你去吃D好味D既，跟我来!”
之后我地上左的士，佢带左我去一间私房菜馆吃法国菜。我地一坐底就开始倾计，完全无任何尴尬既场面出现，我地就好似一对好耐无见面既老朋友甘，有咩都讲一餐笑一餐!呢餐饭结束之间我仲收到一束好大既香水百合，系一个既浪漫又甜美既ending呀。
冲完个凉我训系张床到回想当时既情形，第一个使我想起既就系佢个样!大约1.8身高，粗线条，大眼高鼻，比例完美。(如果我男朋友系甘就好啦)系呢个时候电话又响起，系佢
“点呀？返到屋企啦？甘快对我呢个绝世大美女有兴趣呀？”
“系呀，返到啦!绝世大美女，系得你讲得出口喳，好采今日吃得唔系好饱。今晚开唔开心呀？”(如果我系恐龙或者猪扒你仲敢打来咩)
“车!嘛嘛地可以甘啦!系呢？你点估到果个系我架，如果你接错人就好睇过灯罗!又或者如果我系猪扒你会点呀？”
“秘密!反正接错左咪大大方方同佢讲一声对唔住罗，可以替一个美女打伞都唔错呀!如果你系猪扒我仲系会行埋去!”(行埋去？唔调头走至怪呀)
“懒秘密啦你!讲啦，讲啦，唔系我训唔着架!系呀!行埋去讲猪扒小姐我可唔可以打你一巴，系嘛？你点知我会同你去果间餐厅架？”(仲懒唔叻甘买定扎花系度)
“系你D香水出卖你架。因为你讲过你香水既名，我专登跑去闻下你所谓既喷一生都唔会厌既香味，点知比我发现呢只香水唔系到处都买得到，所以我就萌生呢个撞下运气既啉法。我都估唔到香味真系甘醉人，我闻过一次就忘记唔到，你一出现系公司楼下就马上闻得出系你。餐厅都系撞下运气架喳，如果你有第D提意我咪跟住你罗，反正饭系边度吃都一样者!”
“哈哈，你属狗既咩，嗅觉甘利害既？我系公司一日，又落完雨你都仲闻到!过来见我又唔同我讲声，等我执下自己个样先呀嘛!”(好采我个样见得人者)
“就系唔比得你知，如果比你知你仲唔啉尽办法推我，又或者偷鸡走左去呀？我最怕D人执个样架啦，一落妆之后个样就真系好似执返来甘呀!而且我觉得大家自然D好!”
“我先唔会甘闪缩呀，我会好大方甘讲I do 既!”(如果比我知道佢过来，的确系会用尽一切方法闪)
“系呀，甘听晚同我去饮野呀？”
“Er...听晚我好似约左人啵!”(狠呀，好一招打蛇随棍上)
“估到你啦，之后几晚都唔得闲呀嘛，应该系话我约亲果D晚黑都唔得闲呀嘛!如果我无赖甘问你，甘你边晚得闲，你咪捉虫罗!比D新意好无呀？使唔使我过返几招比你呀!大家甘熟，比个友情价你八折!”
“甘我真系唔得闲呀嘛，最多我得闲亲自打比你罗!过几招来旁下身都好啵!友情价先值八折喳，低左D挂!”(我会无限期甘话唔得闲)
“嫌友情价低呀，甘爱情价罗，免费授课!随时开堂，无任欢迎!仲送超级美男作实习道具，靓车、柴可夫任用。”
“甘算系追我呀，削D挂？起码都整个刘华形既先再来啦!”(估唔到转甘大个圈，遇到高手了)
“哗，我好差咩？甘打击我弱小心灵，你陪汤药费呀!唔系我讲比你男朋友听，你同男仔去街，仲收人地花，等你跳落黄河洗唔清!”
“就凭甘就想知我有无男朋友呀，技术含量低D啵!你出去进修下先返来啦!”(利害呀，唔肯定又唔否定)
呢一晚我地倾左好多听落似无关紧要，但事实又好似有D关连既野，后来仲倾到佢未收线我就训着左添。第二日晚黑佢十点几打电话过来
“喂，出得来未呀？仲有无慢D呀，你迟大到啦!”
“讲咩呀？咩迟到呀，你发烧呀？”(完全get唔到)
“你寻晚应成我今晚一齐出去玩架嘛，做咩呀缩沙呀？想讲话唔算数呀？”
"乜我有甘讲过咩?我寻晚好似训着左啵!你老屈系嘛!"(我记得寻晚讲电话果阵佢系提到过下,但系我点答就唔记得罗)
"哪哪哪,唔好一啖沙糖一啖屎呀,你讲左去依家又话我老屈,者系明玩野者!信唔信我将你个电话号码放上徵婚板呀啦!"
"哗,使唔使玩到甘大呀?去咪去罗!比十五分钟我装个身都得挂?讲明先呀,我唔饮得,唔玩得,唔摸得架!如果我要走你唔可以阻我架!"(当时我仲未知自己既酒量,所以一啉起果D场所就会啉到色情二字)
"傻架,叫你出来玩喳,你估我做马夫架!要饮得玩得摸得果D不如叫个老泥妹去.无啉到我D朋友cheap先得架!我地去果D系正牌场所来架."
"得啦,得啦!我都系先声明一下者!"(甘都无甘惊)
我仲记得,果时广州未有新冶,佢带我去既系golf 1,虽然同佢D朋友都系第一次见,但系当晚所有人都好nice,所以令我对广州既夜场有所改变.
有左第一次,就自然会有第二次/第三次,我渐渐习惯佢每个星期六都来接我去玩.有时我好静好静甘坐系佢身边睇佢玩,有时会自己争住来玩,玩得兴起时我地会揽下,又或者佢会突然锡我一啖,不过我地一直都无再讲男女朋友呢个问题.直到有一晚,佢又打电话来叫我出去玩.
"喂,出得来未呀?次次都慢吞吞甘!做你男朋友就真系麻鬼烦啦!"
"车,你理得我者,反正又唔使你做.唔等得咩?赶生仔呀,崔命甘?"(仲未可以问得出我有无男朋友)
"乜你仲意未做男朋友就先生BB甘新潮既咩?如果你仲意甘,我啉我都可以配合下你既!"
"你死啦,我亲戚来左探我呀,我唔去啦!"(唔想同佢讲D甘敏感性既话题,所以最好既籍口系收线)
"吓?乜又来探你呀?上个星期好似先来过,今日又来?你无野呀嘛!唔同你玩啦,今晚你一定要出现架,我有D野要你帮手呀!"
"系啵,唔记得左你知道添.出去玩都有D野要帮手?唔系挂!咪啦,你讲好系咩来先啦,杀人放火唔帮!"(一向只有我稳佢帮手,未听过佢话要我帮手)
"我今晚需要一个女朋友!而且系一个饮得又玩得既女朋友!"
"稳过个帮你!我无能为力!"(先唔讲呢个系咪一个局,但系一讲到饮得,我就唔想接受呢个角色)
"唔好啦,你帮下我好无呀,她见过晒我身边D女性朋友,我唯一既希望就系你架啦!就当系我欠你一个人情啦,信我啦,我唔会为难你架!"
"唉,好啦!讲明呀,唔包生仔架,比她识穿左我唔帮你兜返架!"(后来啉下都唔系咩大不了既事,就答应左佢)
当晚过到去卡座,佢既一班朋友经以系度,但系唔知点解气氛硬系就有D唔多岩feel甘,就连平时一见到就会拉我过去饮既男仔都系度乖乖坐住.就系呢个时候佢突然间搭住我,然后大大声对住佢地讲:"我女朋友makio呀!叫阿嫂啦!"
我觉得好怪(佢D朋友都识我,点解会又再甘介绍我呢!唔通佢地班死友又玩野)
"阿嫂!"佢地叫完我之后,仍然系唔乜讲野.我见气氛有D冷场,然后就高调甘大声讲句:"做咩者,唔好甘闷啦,出来玩开心D,来陪我玩呀,睇下今晚边个最早醉!然后要请宵夜吓!"
就系我讲完呢句话之后,佢地完世界都倒揪左一口气,好似听到鬼叫甘(唔系呀,平时死叫我饮,今晚叫你地饮都唔饮)
"阿嫂"一把女人声穿入我耳膜,以我经验应该系正室来啦,者话我呢个西宫要开始做戏啦!
"你好!"我转身望下呢把声既主人,我第一个反应系(妖艳)!短到唔可以再短既MINE裙,透到有着得于无着既大露背,厚过意大利批擋既彩妆,我相信佢一落左妆我绝对唔认得佢.但系呢个时候唔系批评女既时候,我要最快既速度确认佢究竟系唔系我既对手.于是我好温柔甘对阿成讲:"阿成未介绍呢个靓女比我识呀!"果条友居然系我耳边细细声对我讲:"你如果成日都系甘温柔就好了."(激死我啦,虾我无得还击)
"呵呵,你好衰架!唔同你玩呀!"(其实唔使阿成确认我都知道系佢,因为佢既眼神已经将我杀左几十次.死人头仲要专登系到整色整水,好采我演技好者)
"好啦,好啦,唔好嬲啦,锡返!我女朋友makio,岩岩系香港返来.呢个系我朋友阿婷!"
"你好,岩岩返来广州,有好多野都唔识,以后有机会仲要请多多指教."(果条友又借D意锡我一下,等我记返抵先得,下次再报仇,哼.)
"我边度可以教到你呀,你问阿成得啦,我D野都系阿成教识既.好似饮酒甘,如果唔系佢成日教我,我啉我依家仲系饮一杯就醉啦!不如我地一齐玩呀!"
"呵呵,系咩?原来你成日教人地饮酒架?"(根本就系姣婆遇着姿粉客啦,不如成全你地好过啦)
"唔系,系因为你平时唔系度,佢又要稳人陪,所以先教识我者.你唔好误会呀,我地虽然成日系一齐,但系我地好清白,无野架!"
"哦,甘呢样野我又对佢绝对放心既!又话玩,快D啦,不过你让下我呀,佢唔系太仲意我饮酒架!佢话唔会比自已深爱既女人饮酒呙,你话佢系咪专制呀?"(使唔使甘快宣战呀,讲做狐狸精你未及我一半啦,就凭果小小功力就想我嬲,返归修练两三百年先返来啦)
果然,正室比我呢个西宫讲既一句话激到脸都青埋,我几想同佢讲(你唔好再嬲啦,你个妆龟裂紧啦).我见到佢D朋友有个仲偷偷地向我竖起只母指(哈,好戏在后头呀,赞我尚早呀,小朋友)
“哦，甘就玩罗!讲明呀，唔准人帮饮架!”(我依家唔饮得咩)
我啉唔单只我，系全世界都应该听得出，佢讲呢句话几大既火药味。但系边个叫我依家既角色系狐狸精，所以我只好笑一回应，之后就坐底同佢玩!
呢晚我玩得好放，可以讲系饮得比我之前任何一次都多，又或者讲系将以前所有加埋一齐就等于今晚，但系我无收手既打算，因为正宫真系太姣啦。终于我真系饮到有D唔饮得啦，于是我就将个头靠落阿成到(条友成晚净系识揽住我，又唔帮拖，真系唔知想点，于是我都唔打算比佢好过)然后，我细细声甘系阿成耳边讲左句
“睇戏都要买飞啦，快帮拖呀!”(啊，仲要办听唔到我讲野，理都唔理我系嘛，你死)
我唔知佢系真系挂住玩听唔到，定系有心唔理我，总之呢一刻我净系知唔可以由我地两个女既甘私片落去。因为大家都系为道气者，如果为呢样野伤左身，我啉我都唔会开心，毕竟我相信山水系有相逢既。 系我啉到呢个道理既时候，东宫特然间指住阿成大大声甘问
“你想点呀？你究竟仲唔仲意我呀!？”(哗，终于都借酒发烂啦，呵呵有戏睇)
“你系咪醉呀？我女朋友系呢度呀，唔好玩啦!”(姜都系老既辣唔正面回应问题，唔好揽甘实呀唔该，好唔舒服架大佬)
“甘你咪当我醉罗，我问你仲唔仲意我呀!”(好，太好啦，直奔主题，原全唔顾经持可言)
“我唔想答你呀，你醉啦，我稳人送你返去!”(唔好啦，你答啦，我想继续睇戏呀)
“稳咩人者，一直都系你送我!”(喂，你问紧佢仲唔仲意你架，点可以唔迫落去架)
“我要送我女朋友返去!华仔，你同我送佢返去!”(我唔做挡战牌呀，我要睇戏)
“一日都系你，唔系你阿成唔会甘架!”(嗱，唔好罗起D野呀，唔好掟!唉，叫左你架啦)
讲都唔信，正宫罗起杯酒真系想掟我，但系好采华仔拉住左佢。如果唔系，委左我花容月貌就真系唔抵罗，唔知边个赔得起。可能真系饮得太多既关系，我居然唔避，或者我相阿成会保护到我，又或者我演得角色太投入，觉得应该比正宫伤害下。
阿成见我呆左，马上拉左我起身，拖住我走向门口完全无留低片言只字。
“去边呀？”
“紧系走啦，唔通仲系度睇佢做戏呀？”(做戏？都唔知系边台戏打边台戏罗)
“我唔坐你车呀，你饮左酒!喂，你只手放得开咪呀!戏都做完啦，你记得将片酬过落我户口。”
“睇你醉成甘，我一放心你咪跌死。不过真系估唔到你原来甘饮得，平时系度扮晒花瓶甘。唔坐我车，我打的送你返去先!”(你又试下我跌唔跌)
阿成真系打车送左我返去，系的士佢仲系紧紧甘揽住我，原完无要放开既意思。我挨住佢感觉到佢既呼吸一深一浅，佢身上散发住一仲安全既暖，使我好想训觉(可能系好晕)但系我点都会支持住，因为女性必须有D自我保护意识先得。
“我到了，你唔使落车啦，直接走啦!”
“送到你返屋企门口先啦!”(比你入埋屋好唔好)
“呢度经已系小区门口啦，同屋企门口有咩分别呀？放心啦，我大个女架啦!”
“大个女？甘呢个大个女要唔要来个Good bye kiss呢？要成人式果种啵!”(大啦)
"哈哈哈,今晚天气几好呀,你话个月光去左边呀啦!"(唔识点拒绝佢,但系净系知道我唔可以比佢锡到,因为我都怕一吻倾情呢样野)
"你睇下你讲野都语无论次啦,仲唔系大醉特醉咩,快D返上去冲个热水凉就训啦,我迟D再比电话你!"
"其实我想知道你同岩岩果个女既有无咩关系?哈哈...如果你唔想讲就算啦,我都系一时好奇既者.我返上去啦,唔使送啦!"(其实可能我真系饮多左啦,所以我先会口快快甘问佢,如果平时我就算点好奇都唔会将呢句话讲出口)
"等你无甘醉先同你讲,你快D训,女仔夜训唔好架,男朋友会仲唔意架!"
"得啦,得啦,长气!走啦!"(再三提及我男朋友,我都系唔会讲你知我有无男朋友架啦,你死心啦)
呢一晚,我真系超常甘好训,基本上系一上床就训得着,而且成晚都无转过身!之后我先知呢种完来叫"醉死",者系话醉到自己发生咩事都唔知道,好采阿成无做出D咩事者!
第二日居然唔识起身返工,好采阿成不断甘打来噪醒我.佢打电话既功力堪称一绝,真系非到黄河心不死果种,我个电话cut完又cut,反正我唔接起佢就继续打就系啦,终于系佢威逼利诱之下,我都系决定返工.
"你快D落来啦,车完你返工,我仲要返公司架!"
"系啦,崔崔崔,生仔咩!边个叫你来接我者,你可以自己返工先架,我可以打的者!"(唔知佢几点开车过来接我既呢,唔通佢成晚无训)
"你只懒虫,如果我唔系过来接你,我睇下你去边度稳的士打呀!快D快D,比多五分钟你,我要见到你呀!唔好再训返啦!"
"系啦,知啦,甘你收线先得架!"
我同阿成就系甘一直维持系一对轻松既朋友关系里面,同佢一齐我全完感觉唔到压力,因为只要我一有咩野要啉,又或者有咩啉唔通,问阿成佢实有办法搅掂.真系唔知点解阿成甘万能,只要我讲得出口,佢就有办法去搞.
呢样野我绝对唔系吹出来,最记得系有一次,我特登刁难佢,果晚系晚黑既三点半,我地岩岩蒲完返到屋企既半个钟头后.
"喂,柴可夫,我想吃野呀!"(同阿成讲电话)
"岩岩叫你去吃,你又话唔想吃!玩野呀,我返到屋企你至讲,听晚啦!"
"唔制呀,我系要依家吃呀,我系要吃野!"(听晚我比个宫你做好过啦)
"你系咪癫架,依家几点呀,想吃野!小心变大肥婆呀!"
"你理得我呀,我就系想吃!我好想吃榴莲呀,你帮我啉掂佢,我半个钟内要见到它!"(如果普通既宵夜可能边度都有,但系半夜三更要吃水果就真系好难)
"仲要吃猫屎?半夜三更去边稳呀?叫你男朋友去买啦!我台车系唔载猫屎架!"
"好!你唔买比我吃呀嘛,甘我自已打车去买!"(一时之气讲架喳,你千奇唔好话好呀)
"唉,真系怕你怕米贵呀,等我啦!讲明呀,如果买唔到唔准赖死架!"
"唔得啦,我就系要榴莲呀!"(点知你去唔去买架)
半个钟后,阿成台车出现系我小区楼下,我落到来佢真系揸住半个榴莲比我,我系度偷笑!
"你比返两百蚊我呀!"(唔系半个榴莲要两百蚊呀)
"要来仲咩呀?全身最值钱就系台手机啦,你罗去啦!"
"要来洗车呀,唔洗我台车以后都唔洗开啦!你手机我就无兴趣啦,你以身相许我都仲要考虑下呀!"(啊,我都仲要考虑下,甘你因住来啦)
"系咩,真系要考虑下呀?我仲打算讲比你听我岩岩同男朋友散左添,甘既然你要考虑下,我就只好再委身于他人罗!"(完全可以睇到佢既反应有几甘大,因为佢摆左旧猫屎落口)
"几时既事呀?"
"喂,你吃榴莲既咩?"(仲话要考虑下)
"唔好叉开话题,我问你系咪真架!"
"系呀,不过我唔想再讲啦!既然你都吃,甘你吃埋佢啦,我够了,我想训了,呢几日唔好电我,我想自己一个人独处一下."(其实我想讲比佢听系假既,但系见到佢个表情甘认真,我又唔忍心拆穿自己个谎言,所以唯有继续昆佢)
"甘好啦,你返去训啦,我唔阻你训啦!你独处完就打比我啦!"
