长就长左D,不过见几搞笑,甘米转左过来睇下拉,希望你地中意拉!


半夜三点钟我拖住疲倦既body,忍住想呕既冲动, 爬上床晕睡过去.
"喂,有件蛋散稳你呀!喂,有件... "(我猛手机响)
我醉生梦死既时候边个甘唔识做呀?简直系罗闹!我事但系床头乱摸,并且以快cut左条line.但系果件蛋散就不断甘打来,我不断cut佢就走越战越勇(呢件真系蛋散来,我要改左个铃声先得)
无耐性既我唯有比机会个蛋散讲下野
"喂,你系边位?"

"喂,我呀,记唔记得呀?"(你唔讲我点知呀)

"唔知呀,你讲我知啦,我依家啉唔到野呀!"

"Eid呀,好靓仔果个呢!"(唔好再引我呕好无)

"哦,点呀靓仔,有咩帮到你呀?"

"无呀训唔着好想听下你把声呀!"(我想你快收声)

"呵呵,乜原来我把声系安眠药呀?"

"系呀,自从见过你一次你把声就成日围住我啦."
(甘就无打来啦)

"但系依家晚黑三点几啦,人地好眼训呀,不如我听日再电你呀?女仔唔够训好惨架!"

"咪住啦,我有D野想同你讲呀"(估到啦,讲啦)

"哦,系咩?咩事呀"

蛋散终于讲到重点啦,我都有觉好训了挂!
"......"(蛋散呀我接手机唔使钱都无浪费我D电呀)

"想讲咩者!讲啦!"

"我系第一次喳,你......"(乜鬼第一次呀)

"我都系第一次"

"系真既?"(假架,我都唔知你讲紧咩)

"梗系啦."

"甘我听日再打比你呀"(唔好再打来呀,我打人架)

"好呀,等你!"

"如果你挂住我可以打比我架"(啉都唔好啉呀)

"哦,甘系甘啦88!"

就系我cut完条line果阵4点啦,我原完唔需要啉任何野就马上训着,完全忘记一切.第晚如常去玩,如常甘返到屋企张床3点,如常甘醉紧!点知"do,傻佬打电话来啦!do,傻佬打...“

“唔系呀！”
我决定唔再换D甘怪既铃声，原来真系会有傻佬打电话来架，早知系甘就改成“有钱飞埋来”啦。听日一于改左佢先得！
“喂，你好！”（唔好系条蛋散呀）

“喂，我呀，知唔知我系边个呀？”

“紧系知啦，点呀”（头彩又唔见我中下啵）

“真系知？甘我叫乜名呀？”

“Eid系咪？”（听日就罗你果名去打小人）

“呵呵，你真系记得我架，我好开心呀！”

“你靓仔呀嘛！”（快D收线啦我要训觉呀）

“你仲记得我果样咩？”

“梗系，点呀，有咩帮到你呀？”（鬼知你咩样
呀，依家我净系想见周公喳）

“你又话打比我但系又无，我惊你有咩事所以咪打比你罗！我好担心你呀嘛！”

“哦，今日比较忙者，听日打比你！”（担心就搅住我训觉架啦，死梗了你）

“好呀，你话架记住啦！甘唔左你训了，早抖！”

“恩，晚安！”（边度凉边度训啦你）

因为我属于训觉大过天既人，所以基本上阻我训既人都会死，而好明显呢个人出现左啦！而且仲要唔只一次甘做。好，想我打比你系嘛，睇相佬就昆你十年八年，我就一定会打比你既！
之后三晚我都系如常甘饮到三点几,而电话又好正常甘系三点到四点呢个时间打来,但系响无耐就自动停左.点解?因为我用左彩铃呀"你呼叫的用户已关机",哈哈...第一次发现彩铃既好处.
到第四晚,我推晒所有朋友既约会,打算系屋企做个乖乖囡,训个美容觉,但系发现自己根本系训唔着既.哼,无聊人我来啦!(宁得罪小人莫得罪女生)!我罗起个电话稳到寻晚个纪录,拔过去...对方既彩铃居然系"你知道我在等你吗?"...无语...
"喂!"(一个好疲倦既声音)

"喂,靓仔呀,估下我系边个!"

"我唔知,都唔想知!我心情唔好,唔想讲野!"(哼,打比我果阵我心情又好好呀)

"吓,发生咩事呀?我帮你分担下啦!"

"我女朋友唔理我呀,三日无打过比我,又唔接我电话呀,我打比佢又关左机!"(你唔系讲紧我呀)

"系?甘唔阻住你啦,你快D再打比佢啦,88!"

来唔切听佢讲88我就马上级cut左条线,因为我怀疑我打错电话,又或者系一直打比我果个唔系佢.正系呢个时候"打电话来呢个人好样衰,唔好接佢电话者!打电话来呢个人......"我手机又响起,我突然间觉得岩岩我唔应该打呢个电话.算了,唔接啦,反正我既彩铃会帮我挡住.但系今次我失算了,个电话不断甘响,好似唔识停甘......

钤声明明都话打过来果个人好样衰落叫我无接,但系我终于都系忍唔住自己既好其,手指按下绿色键.
"喂,你好!"(我扮成无事发生过)

"你做咩唔接我电话,你呢几晚做咩来呀,知唔知我好担心你架?又话打电话比我,又唔打.玩人间消失呀!你知唔知有好多人关心你架,你甘样会好伤我架"

"我......"(我无做过咩事,未讲过咩野就比佢话左一大轮,而我根本无晒头绪唔知自己做错D乜)

"你唔好甘好无呀,次次讲亲你就唔出声!你可唔可以道歉呀,你可唔可以哄下我呀?次次都系甘既你!你明明知道,只要你肯讲声对唔住,我就唔嬲你架,但系点解你从来就唔甘做呀?"

"...对唔住..."(无甘夸张呀,唔接个电话者,甘就成为千古罪人)

"算啦,再甘落去都无意思啦,我地分手啦,我唔想再甘样落去!"

"吓?!等等."(发生咩事呀?)

"嘟...嘟...嘟..."

我系毫无准备既情情况下就比人cut左线.但系我根本唔知发生左咩事,讲真呢个男人我连个样都唔记得啦,又点会话同佢拍拖,而且依家仲要系个电话度比人飞,真系天方夜谈呀.
呢一夜唔知系因为自己无醉,定系呢个无厘头电话既关系, 总之就一夜失眠.我成晚都不断从复甘系度啉,唔记得叫乜男人呢几晚对我所讲过既野.系唔系我讲过D乜令佢误会左,又或者我做过D乜令佢变成甘,又可能系佢自己发生左D咩,究竟佢点解会甘?
之后两晚我无觉好训,好明显佢引起左我既好其心,虽然我仲系有去玩,但系我会尽量保持自己清醒,同埋会系三点前返屋企,又会将电话放系最近自己既地方.只希望再接到呢个无聊既电话......
"肥婆只鸡甩晒毛,肥婆只鸡......"事发后第四天既中午,我居情见到呢个电话号码既出现.接定唔接呢?

我望住个电话呆左,个脑一遍空白都唔知点好.突然间身边有个路人甲弹左一句"你电话响呀,接啦!"无计,边个叫自己当时无主意,于是接起左个电话.
"喂,你好!"

"我想见你!"(原来佢把声好好听架)

"Er~~~哈哈,唔好讲笑啦,我唔系广州呀!"

"你讲大话,我见到你!"(唔系有后眼呀)

我马上条件反射甘转身望下,点知发现自己本来就身处WC,如果唔系偷窥狂应该唔会系度挂.我再望真D,成个人定返晒.

"哈哈,你知我对住你唔讲大话架啦,何必呢?"

"你仲系无变,仲系讲大话就心虚!我要见你!"(唔系甘邪呀,讲一次大话就捉虫)

"其实系我忙紧呀,我唔想请你吃柠檬者,下次好无?"

"下次?下次又下次,下次又下次,成年都来啦!下次!"(对白甘熟既?我拍紧无间道呀,三年又三年)

"甘人地呢排真系好忙呀嘛,晚晚加班呀!"

"我今晚等你落班,我依家系你公司楼下!"(有无搅错呀又来呢招,反正你唔知我系边上班)

"但系......"(高呀,我以后问人罗钱都用呢招先得)

果边又传来断线既声音.不过好彩我上班就系做野,落班出来蒲就系玩,基本上我系唔会讲我自己上班地方比人知.对于呢种上班同玩都分唔清既人,就等于玩野,我最憎就系D玩野既人架啦!所以我决定唔理佢.见到未见,见唔到未算罗,系佢自己唔问清楚我落几点,唔关我事呀!
"呵呵,无惊无险又到5点,放工!走先88!"踩住轻快既脚步,踏出公司大门口,远处有一个似曾相识既身影向我走来.(唔系甘邪呀?)
待续

wu~~~nai ~~~~~~~`

乜甘搞笑啊~~
几时有靓女打错电话卑我~~

浅蓝色身影既男生越行越埋,手里面仲揸住台手机,好似想打想打既样!(佢唔系望住我呀)我马上稳身边个路人甲来做单挡.
"喂,我地去吃饭罗"

"吓?好呀!去边吃呀?你话事呀,不如我带你去一间好好味既餐厅呀,好无呀?"

"好,我唔想行,打车去!"
我知路人甲一定会答应,因为佢约左我N次,都比我拒绝左,甘次多得我平时都留有后路者,我地话甘快闪左上台的士.我唔敢回头,净系知"你阿哥稳你,你阿妈稳你,你家姐稳你,你姨妈稳你,你伯父稳..."无错,我手机又响啦.
"喂,你好!"

"落班未呀?"(你又估下)

"未呀,我加紧班呀,不如你都系无过来啦!我唔好意思要你等,都唔舍得你要等呀.下次再出来好无?"

"如果你仲系公司,我点都会等你,如果你出左去,我就等你返来,总之我要见你."(唔系真系岩岩果个人呀,应该唔会真系等挂,我地交情唔深架)

"不如甘呀,我地约系新冶等呀,甘唔使你甘闷啦!就系我地见面果张台!"

"好你话点就点,不见不散,你唔好再令我失望啦!我真系好挂住你!嘟...嘟..."(睇来呢个系佢既习惯)

讲完个电话,路人甲马上好大男人既口气问我"边个来架?今晚又出去,唔准去!"(无野呀,以为自己系咩野呀,你系用来做单挡架喳)
"唔该停车,我突然间记起约左阿妈吃饭,唔好意思呀,下次再陪你.我系度落得啦,唔使你送啦!听日见呀,88"讲完我就闪落车,完全唔使理会佢感受,当然佢讲左咩我都借左聋耳陈只耳罗.

条散蛋去与唔去都唔紧要,因为我去亲蒲都多数去新冶,所以唔算讲大话.但系每次坐既地方都唔同,等佢慢慢稳罗,而且我都唔肯定今日见到果个系咪佢,哈哈...今晚一于照蒲不误!

十一点,系D场最多人之际,我呢条如遇水既鱼就穿过人群,坐左系吧台!点解成日形住背后有一道眼光呢?我转个头一望......

我唔系眼花呀,我见到一个带住一副大黑超既男人专注紧我呢个方向.重点系佢喳住果部手机,我今日好似系边度见过一次.(好,我时运高,睇唔到)"有几远架,有几远架,有无外太空甘远呀,有无北极甘远呀,有无......"无错,系我手机又响起身了!呢个时候我无直接睇系边个打来,我只系偷偷甘望下后面果个男人有无罗住个电话!点知居然见到个男人行紧过来我身边,佢系我旁边既空位坐底...
"我可唔可以坐底呀?"(费话,如果我话唔得你系咪依家马上起身呀)

我无答佢,只系笑左一笑.因为我就算讲咩佢都应该听唔到架啦!

"一个人呀?"(怪唔知带住甘大个black架啦,原来系盲既,好啦,唔怪你罗）

仲系笑左一笑，无答佢任何问题。系蒲场最紧要系唔好理唔想理既人！反正我出来唔系想识仔既，只系想听下DJ既歌来放松下自己者。

“我系咪系边度见过你呀？”（哦，乜原来唔系盲既咩？用呢招来沟女呀OUT左啦，返归啦你）

我仲系维持我既招牌笑容，唔理佢。

“我估你系度等紧一个人！”（睇你都唔系有病架，我等紧果个好明显唔系你啦）

“系呀！”

我终于顶唔住应左佢一句，顺便系甘意望左佢一眼。唔望由自河，一望就大锅啦，佢迷人甘笑住，慢慢甘罗台手机出来，递到我面前......

佢罗住个手机递到我面前!(我睇你唔到,你睇我唔到,反正就睇唔到)点知佢忍唔住都系讲左句"你睇下先啦!"(有咩好睇呀,问我罗电话呀,屎桥)
我系甘意望左下,眼都差D跌埋出来!因为电话屏里面大大甘显示住"Eid"既字样!我唔系盲架,使唔使甘夸呀,写到个字甘大!呢个时候,我徐底个black超,慢慢转身向住佢
"你就系Eid?"

"我唔系!"(超,死流野呀,玩呀!戴返个black超先,浪费晒我D表情呀)

我又转返过吧台,继续望住个比旁边条流野靓仔既吧仔,唔想再理佢.

"我唔系者,但系你想唔想知佢系边呀?"(想呀,想比巴佢呀,稳你件流野系度烦住我,系都稳件靓仔D架)

"随便!"

"啊,你都几得意果啵,惜字如金甘,系外国返来呀?"(系唔想同唔靓仔又白痴既人讲野者)

"系呀,我岩返来,依家我地果度好兴玩一种游戏加!"

果条友见我难得讲甘多野,更系马上附和我啦!仲要显得好有兴趣又好兴奋甘问我!

"系咩?系乜呀?我都成日出国玩架!应该都听过架!"(真系仲未识死啵,呢D就叫假系自己罗来掉啦)

"真系想知?"

"系呀,快讲啦!"(哈哈,中计啦!)

"快闪!"

佢定左五秒之后脸都红晒,好采都无蠢到呢个地步,终于明我讲咩啦.本以为佢会灰溜溜甘行开啦,点知呢条友脸皮仲厚过牛皮,仲要讲野......

我讲得好明白架啦,快闪呀嘛,呢条友唔系唔识听广州话系嘛!但系条友就硬系唔闪开,仲开始讲D我唔想听又听唔明既野,全程佢斋讲,我就系度浪费晒D时间.今晚无仔同我玩,唔可以话因为我无吸引力,而是身边来左条玛黄吸住我就唔放,真系想一把火烧焦佢呀.都唔明我唔讲既,佢都仲可以系我身边讲过唔停,怪唔知栋督笑甘卖得啦!无耐之下我唯有出大绝(闪)
当我前脚一踏出门口,电话又响起啦!我啉都唔啉就接起啦,最好系打错架啦,因为我想闹人啦!
"喂,你好!"(基本礼貌要有既)

"走啦!"

"系呀,等唔到你咪走罗"(有件玛黄阻住我蒲,你估我想走架)

"你又知我无来到?"

"因为你唔出现罗!"(系呙,点解佢知我走左既,岩岩条友都以为我去WC,佢居然...有甘岩得甘桥者系嘛)

"如果我话我一直系你身边呢?信唔信我马上出现系你面前呀!你唔好惊啦,唔使四围望啦,你睇我唔到"

"哈哈,我边有惊,我系好似听到有人叫我者!"(唔惊就假啦,仲惨过比人跟踪呀,我要打999呀)

"你想唔想见到我?"

佢呢句真系考起我啦,我觉得自己系到考紧一条数学题呀,明明系1+1=2但系我又担心它会变成一条IQ题.
"Er......"(唔好难委我)

"想定唔想呀?反正你同我都系第一次者,我唔会昆你既,除非你昆我啦"

"咩第一次呀?"(我无乱性架,我饮完酒净系会训觉既者,一定要搞清楚先得)

"吓?我果晚同你讲我系第一次,问你系咪你话你都系架嘛!乜唔系既咩?"

"果晚?果晚发生左咩事呀?"(死啦,无理由做错事挂,我明明晚晚都系屋企训果啵,点解好似失忆甘既)

"唔好带我游花园,你究竟想唔想见我?"

"甘你讲左比我听果晚发生左乜事先啦!你唔讲我走架啦,以后都唔理你,唔听你电话!"(唔好抢我对白呀,明明系你带紧我游花园啦)
"呢D野讲唔到架,要唔要我从新示范比你睇呀?"

"好呀!快D呀!"(死啦,今次我大啦,以后都唔饮酒啦)

突然间,有人系身后抱住我,而且大力甘转左我过来.系我都未望到系乜水既时候就比人嘴左啖啦!呢个吻好似拍戏甘,我唔系话甘浪漫,系旁边D芋头同番茄完全当我地戏甘睇.(老细请你地返来真系吃蕉架?见唔到我比人当街非礼紧架)我好用力甘推开呢件唔知系乜水既乜水,然后指住佢大叫

"你......"第二次被吻住,旁边仲有条番茄系度吹口哨(你咩工号呀?我要投诉你呀!,唔系我要推开佢先,但系推开佢分分钟比人嘴第三次,点办呢)我瞪到只眼有甘大得甘大,望清楚呢个系众目睽睽之下(唔系,应该系众竽头同番茄之下)非礼我既乜水(唔好似靓行空呀,我实告你非礼架,你放开左我就知死)佢又似听到我心讲野甘,慢慢离开我既嘴唇,揽住我行(唔该放开埋你只手好无,救命呀,我系咪发紧梦呀)
"我...!"(又嘴,救命呀,我净系想讲句野者,你系咪傻架,我无得罪你架,最惨系今晚无揸润唇膏呀嘛)
"如果你仲想上演吻既女主角,我唔介意你再讲野!"

听到呢到我唔敢再讲野,净系望住佢,然后佢开始揽住我企系路边递出只手拦车.我见甘既情况马上系甘摇头,我唔敢再讲野,甚至唔敢发声,我好靓但系我唔系呢度做女主角.
"黄的呀嘛,我知架啦!放心交比我好无?"
唔知点解听到佢讲呢句话我真系放心左好多,的确呢个系我既习惯,我每次打的只打黄色既,夜晚呢个更加系不变既惯例.我望住佢,佢系度专心甘打紧车.呢个乜水高大,靓仔,带D不羁既气质,如果系酒吧里面识佢,的确佢系属于我by果度类形来既.
"你再甘望住我,唔使啉走到呀!"
我马上垂底个头,办玩电话.我知呢个时候既我已经系一件番茄啦.我就属于呢边永远学唔识对靓仔免疫既人,仲要忘记自己依家比人绑架紧.的士来到了,佢开门等我上车(死啦,死啦,完啦,完啦,无啦,无梗啦)
"司机唔该XX路!开慢小小唔该!"佢同个司机讲完就细细声系我耳边讲"lok好门,小心D!我系你后面"我点点头!佢居然帮我关上门.
"姐姐仔你男朋友甘细心呀!"(你睇唔到我系肉心呀)
车发动,我先醒过来,佢根本都无上车!(喂,甘算咩烂ending呀,系唔系都要发生D事啦系嘛,就甘送左我上车就算呀,仲是但叫司机车我去一度,绑匪依家甘差既咩.系啵我去紧边呀)
"司机你车紧我去边呀?"
"吓,XX路呀嘛!你男朋友讲既,唔好玩我啦姐姐仔!甘系咪继续开呀?"(人地叫你去你就去,如果我系无钱既你就好笑啦)
"嗯!"
唔好怀疑我有病仲意做肉心,而系呢个乜水叫司机开去既地方的确就系我屋企既地方.返到我主场我仲会惊咩呀!哈哈...原来依家D绑匪甘猪既!
"司机前边靠边停呀唔该!"(前面架车甘熟口面既)
"咦,睇来阿哥哥仔好唔舍得你啵!"
"唔使找啦!"(依家司机D素质甘既咩)
我落左车,快步行入我住既小区!"有几远架?有几..."电话响起吓左我一惊!
"喂,你好!"
"返到屋企饮杯牛奶就好训啦,我听日再打比你!"
"嘟嘟嘟......"有无理过我感受呀,一日比人cut线,一个二个都系癫架!今晚系一个恶梦呀!

我系冰箱罗左盒牛奶出来，一边啉岩岩D事一边慢慢甘饮落去，果然原来有啖冰牛奶可以令人松一口气。但系饮左第三啖之后，我就开始厌厌地啦，因为我无乜耐性再饮落去，就正如我对岩岩果个乜水甘，唔想再啉佢系乜水罗，就当一晚艳遇啦。第二日如常甘返工放工，晚上如常甘去蒲。但系唔知系咪怕寻晚既事从复发生，我今日早就啉好要转场，就转去路人甲经常推既SOHO。
呢间原来系一间主题吧，个FEEL无新冶甘High不过相比之下，我可能更比较适合呢到，因为呢到无甘逼。今晚我无带Black架，因为第一次来呢度，应该无咩熟人撞到，所以可以尽晒美艳。呢个场D仔好怕羞，都系得个望字，唔敢过来同我联谊一下（世界变咯，呢度原来无色狼）我仲意呢度仲有因为呢到鬼佬多，呵呵...（英文我来进步啦）正系我Enjoy紧我进步英文既时候“钱钱钱钱，钱钱钱，钱钱...”（无错，终于比我稳到呢只钤声啦，哈哈）

“Hello , Makio speaking !”（打来果个一定要识听英文呀，唔系我穿煲啦）

“你系边呀？点解唔系老地方？”

“What ? So confusion of voices , Send message with me ok ?”
然后我快快脆甘cut左线（哈哈哈，睇下你死未，终于有仇报啦）

唔使二分钟“人来呀，人来呀，好多massage呀！”短信里面净系写住｛想见到你｝系Eid发过来，一个我唔再有兴趣既路人乙，我会维持基本既礼貌，我复左一句｛多谢｝可能系佢死左心了挂，再无任何短信烦我。

三点了，灰姑娘坐住南瓜车返到屋企楼下。无意间见到果台熟面口既车，因为我发现呢台车唔知从几时开始，每晚都会停系我小区门口既同一个位置。（个车主甘猪既，小区里面唔见车都无得陪啦，更何况系外面，等我提醒下佢先得）我系手系袋里面罗出便条纸同笔写低左“呢度停车会有小偷！”然后贴系车既前窗就闪。其实呢个时候既我已经系7成醉状态啦，唔系我唔会甘大胆做D甘既事。

我爬上床“钱钱钱钱，钱...”
我今晚玩得好开心,饮左好多好多,酒类多之余酒量都好多.一般饮惯酒既人都知道,如果酒既种类多既话,有好多成份会撞埋一齐,甘饮既人都通常会撞到嘭嘭声,之后都会有附作用,者系我地叫既"啺"!好明显今晚既我就归属呢个行列,但系手机又不停甘响紧,我唯有好痛苦甘接起个电话.
"喂!"(我超无态度可言)

"返到屋企啦?饮左好多咩?你今晚究竟去过边度者?"

"你边位呀?狗仔队呀?晚晚都打来闷唔闷呀?你知唔知我个系边个架,你系咪打错呀,无白撞呀!我无甘得闲同你玩呀,如果你要玩就打999啦!系甘先88!"(cut线无讲甘多!就算系边个都唔理佢,大不了过后当无事发生既者,又或者当打错既者)

训醒之后,我除左觉得好头痛之外仲觉得好头痛,终于我都系抵受唔住床既诱惑,打左个电话返公司请左个病假.训返低果阵眼尾余光见到我台手机,罗过来睇下!10个未接来电仲有7条短信,真系人都癫呀!10个电话之中有两个系朋友打来既,其余8个电话都系
同一个人名"Eid".我再打开D短信睇

第一条我朋友发比我"听日7点叫醒我!"(我都起唔到身呀,对唔住啦,最多当收唔到啦)

第二条到第七条都系毫无新鲜感既"Eid"
03:47"点解唔接我电话呀,我仲未讲完呀,你有无事呀,系咪今晚有咩唔开心呀?同我讲呀,我帮你分担呀,又或者你依家出来我比你发泄啦miss you !"

03:55"快D接我电话啦,我好担心你呀,你唔好吓我啦,系咪我做错左D咩呀,最多我以后都唔甘夜打比你呀,你唔好甘啦miss you!"

04:00"你只要接我电话讲句好,我就唔再打比你,你接啦,我真系好担心你.以前都从未试过甘样心痛,但系你就令我超乎我自己想像,真系好在乎你miss you!"

04:13"我唔知我自己想点,如果你依家肯接起我电话,就算要我系呢度过一日一夜得.你唔好嬲我,你接我电话啦,以后你话点就点好无miss you?"

04:26"如果你系用呢样野来罚我,甘我接受,但系你都要讲罚我D咩先架!你系咪唔开心呀?你唔开心我系度陪你唔开心,你唔想讲野我就唔再讲野一直系到陪住你!直到你肯复我唯止!miss you"

08:14"既然你选择沉默不语,躲藏自己,我就一于陪你进行到底,你一日唔出门我一步都唔会离开!miss you
睇住佢send过来既每一条短信，我突然觉得自己好衰呀，但系是实我好似无做错咩者，净系闹左一餐电话里面果个人者！林海峰讲得岩架，半夜打电话来罗闹（超低能），发返短信来道歉（劲搞笑）！我居然为D短信有歉意（超低能），但系又想打电话比佢（劲搞笑）。终于我都系做左个劲搞笑既事！
我回拔佢个电话，晕底，居然仲系“你知道我在等你吗？”甘out既彩铃都仲有人用！唔使一阵个电话就接起左啦，但系我突然间又唔知讲D咩好，所以我选择左沉默。点知电话果边都只有沉默，我地两个就好似上演紧｛沉默的证人｝甘，罗住个电话一分钟无讲过一句野。等我终于忍唔住，就开口讲左句
“再见！”（癫啦，讲咩呀）

“再见！”
原来系演紧（2046｝呀，我根本就唔知自己系度做紧乜。虽然我地讲左再见，但系大家都好有共识甘唔cut线，好似知道其实咩都未讲甘。又沉默左两分钟，佢突然开声讲
“不如等我打返比你呀！唔好浪费你电话费！”（呢个系咩烂提意呀！我会在乎果DD咩）

“哦，好呀！”
我又系咩烂答案呀，但系我真系啉唔到要讲D咩，我啉系因为我仲醉紧。唔使2秒，电话响起“钱钱钱钱钱钱钱...”
“系我”（依家我唔知系你咩，当我白痴呀）

“哦”

“......”（一系你比人毒哑左，一系我耳仔有问题）
又过左两分钟，我再支持唔落去啦，因为我本身个人属于急进形，今日经已系耐性既大限啦!我唔想再甘拉锯落去，浪费我时间。（原全忘记系自己想打电话比佢先）
“唔同你讲啦，我要出去啦！”（跟本无讲过好无）

“去边呀？我车你！”

“唔使啦，我楼下就有的士，而且费是麻烦到你啦！”（我想收线喳，唔好甘白痴得唔得）

“你者系信唔过我者，十分钟系你小区门口接你！”

“唔...”（又系呢招，AB你个CD呀，我唔落去睇你死未）
超激气呀，又比佢cut线，甘无礼貌都有既。但系我落唔落去好呢，用咩籍口唔落去呢。
算啦，不见、不见，咪又系终有一天相见，既然系迟早既事，就择日不如撞日啦！我系电话识左佢甘耐都系时候见佢一面啦！于是我终于用最快既速度执返晒自己D眼耳口鼻，然后洒上属于我香味既｛钟爱一生｝然后落楼。
（门口？又话系门口，死啦，如果佢唔靓仔，我仲理唔理佢好呀，系唔系都应该讲声多谢就撇）我平时行2分钟就到既小区门口，今日点解觉得路特别长同难行呢。终于行（应该叫拖）到小区门口，我望左一眼，呢度只有一台车，就系我寻晚多事贴左张纸果台，果张纸都仲...（咦？张纸呢？唔通有人多手撕左）我呆望张纸既时候，车门居然打开左！我向佢一望，吓傻左（绑匪，死啦，点算，报警，快报警）我马上稳手机，点知“钱钱钱钱...”Eid个电话打来，我啉都唔啉就接起啦
“你系边呀？快来救我！”

“救咩呀？”（咦？把声甘近既，不过逃命要紧）

“唔知呀，你快D出现啦，我等唔切啦！”

“等我两秒！”（唔使来啦，我以经感觉到背后有人企系到，有良心就记得帮我报警，呜....）

我来唔切做任何野就比人抱住左，系呢一分钟我好想大声甘喊呀！如果我今日唔出来就唔会又比人绑架，又可能系我寻晚多事，所以绑匪嬲左决定从新绑架我，又或者系根本果晚绑匪就想睇定D先再绑我票。（怪唔知果晚个的士司机讲既野奇奇怪怪啦，果个无用鬼，又话来接我，最憎人迟到架啦，今次仲要系紧要关头先迟到）
“做乜呀，甘挂住我咩？要我快出现！想去边呀？”

“返屋企！”（我唔知系吓傻左，定系仲醉紧，原来绑匪就系Eid，我唔知点算）

“出左来就无返去住，我车你去透下气！识唔识揽安全带？都系我帮你”

全完无理过我反应既佢，亲手拉住我上车帮我扣上安全带，然后发动开车！（呢一刻我净系有种肉随针板上既感觉）
因为有前科，我唔敢再讲任何野，而且仲要时刻准备着，以防佢偷袭我。我偷偷地望佢，今日我系绝对清醒，我不得不承认佢五宫超得（唔计佢变态既举动来讲，不过好似唔乜关事），身边比例都超OK（所以适合做绑匪，哼）
“做乜呀？真系甘挂住我，一刻都放唔开我咩？我开紧车架，你再系甘样我台车就唔知会车左你去边架啦！不过如果你想我都唔介意既”（弊，又发神经添，唔好望，唔好望，但系真系几养眼啵）

“讲咩呀你，我每秒上落几百万架，边得闲望你呀”

就系我唔理死活，系都要罗返个彩既时候，手机响起屏幕上出现寻晚同我玩既其中一只鬼既名。（死啦，寻晚真系饮大左啦，连电话都比左人，以后都唔饮酒呀。死啦鬼佬识唔识听我求救呢，但系我又点话比佢知我依家比绑匪绑左去边）我望住个电话唔知接唔接好，佢一手抢左个电话过去，接听

“Hello ! The makio boy friend speaking !”（喂，喂，我无答应做你女朋友架，系唔系你都应该追我一排先啦，要做我男朋友既人排队都唔掂呀）

唔知鬼佬同佢讲左D咩，只见佢偷偷地系度笑

“Thank you , But I"ll take care of her with myself . Don"t solicitous about her .”（喂，我同你好熟呀，使咩你照顾呀，我又唔系唔识）

由于听唔到鬼佬讲既野，我超好奇都无办法

“I’m on drive so I must be stop the talking sorry ! May be the next time come to beer and skittles together”(你知开车唔可以讲电话就好啦，仲讲，仲讲）

“Ok , see you next time ,bye !”

“寻晚系SOHO呀？仲要留埋电话比人地添，你知唔知依家好多坏人架！”（去边关你咩事者，我仲意留比人呀，系呀最坏果个咪就系你罗）


“甘我想睇下新环境呀嘛！电话者”

“你仲讲，真系唔见棺材唔流眼泪果啵”（系架，甘点呀？见到棺材我都未必流眼泪呀）

“......”

“仲乜唔讲野呀，嬲呀？”（你都几好笑果啵，又系你叫我唔好讲野既，一于唔理你）

“我唔系想话你呀，不过你自己都甘大个啦，要学识照顾自己架啦，唔系下下都有朋友或者屋企人帮你开路架！”（你唔系想讲你自己系我D朋友呀，我D朋友唔会绑架我，而且我自己既事自己都有分数啦，使唔使你讲我，哼）

“又系呢个表情系嘛，等我泊部车埋一边锡你至得！”（又来，唔好了挂，你未刷牙果啵！啉左去边呀，就来比人非礼啦）

台车好似真系有靠边既迹像，我为左要保护自己，免被未刷牙既咸猪嘴锡到，马上用手袋放系心口前边，以防不时之需既自卫。佢要埋牙啦，佢伸左只手埋来（死啦，死啦，出埋手，我实大唔细都得啦）

睇住佢只咸猪手递到脸前啦,我揽到个袋实一实,必要时自卫应该唔使坐监挂!佢只手落左系我身边既安全带上边(身边安全带?点解会系安全带架,又话要锡我既,车~)我松左一口气(呼...)
"仲咩呀?我架车甘舒服,你唔舍得落车呀?定系真系甘期待我锡你呀?"

"痴线!去边呀?"(如果佢唔系绑匪,就要打去青山问下有无走犯至得)

"比个惊喜你呀,顺便带你去卖,知惊未?"

"好惊呀,我要打999呀!"(好明显依家就有惊无喜啦,卖我?唔系要我去卖笑挂,死啦,呢度边度来架)

"呢度系打110架,好无?!自保都未识呀!落车啦大帝"

"哼"(我依家唔知咩,我系仲意打999呀)
我开左门落左车,望下周边环境,断定呢度属于某个大形高级商住小区.有D似{求福庄园}格,因为我净系睇到高楼同植物,基本上见唔到任何动物(我指可以算得上半个人肉布影版,佢就连禽兽都不如,所以我地都唔算得上系动物)
"行啦,呢边呀?饿唔饿呀,想唔想吃D野呀?"(好想呀)

"麦当当" "无麦当劳"(点解知我想吃乜既)

"鸡仔" "无肯德基"(又估中,撞架系嘛)

"唔吃啦" "无比萨客"(呵呵,你仲唔踩屎)

"哈哈哈,唔......"
就系我笑得好开心,好心凉既时候,呢个米八高既绑匪又上演剧照"一吻定情"不过我系男猪脚(因为我比人强吻,而且仲有呕心既感觉)
我强行推开佢,瞪到只眼有甘大得甘大(其实我仲好想比巴佢架,但系以我160{要计埋对鞋}既高度来讲,我只可以用气势来压倒佢啦)唔记得系边个教过我,输人唔输阵呢句话,真系估唔到我都有用到既一朝.
"做咩呀?怕羞呀?等阵如果再甘失礼,我再会照锡不误架,你最好乖乖地!"(怕羞?你唔系盲既都睇到我系嬲紧啦,乖乖地就唔系我啦.仲有等阵?唔系挂,几大都要讲定数先啦)

"等阵?咩等阵呀?究竟你要带我去边呀?咪住,我啉我有D野必须要搅清楚先,你系咪真系识我架,我地系边度识架?"

"你依家仲问我系咪识你呀!?仲唔确定识我就跟我跑甘远既地方!?如果真系遇到坏人点算呀!?"(好似发问果个系我啵,点解比人问返转头呀)

"第一,我唔确定我识得你,因为你知我个名又知我住处,但系的确凭我现有既印像,加埋上次无厘头果晚都只系见过你两次.第二,唔该你分下主次,一直系你拉我来到呢度,我系无得反抗既情况下,就只有接受.第三,如果系遇到坏人,到依家呢个地步我啉我都无得点算啦!"

"原来你一直都仲系未记得起当晚既事,睇来都真系有必要同你慢慢甘倾下啦.不过唔系依家,因为我D朋友等左我地好耐.信我,我唔系坏人"(信你就死得啦,唔通坏人会写张纸贴系自己额头,又或者会同人讲佢想做坏事既)

"Show me you ID !"

"得,比你,仲有我个车牌都比埋你,只要你信我就得啦!行啦!首先露个面,然后再同你慢慢倾,好无?"(好你个头呀,去到真系比溶左都唔知呀,到时罗住你个ID同鬼告状呀)

佢见我仲有D犹豫,就罗起个电话拔左一个号,然后递左比我听.我半信半疑甘接起左
"喂,Eid迟大到啦,带左佢来未呀,唔好讲比佢知我系度呀,我啉佢实会喊者!哈哈哈...快来呀,顺便买支汽水上来呀!"

"你系边个呀?"
一把似熟非熟既声音突然将我既思绪拉到一个时留时间既空间：某个我好无聊既夜晚(者系大姨妈来探我既时间)我揸住个电话唔知想打比边个(因为果时3点几)后来终于随手打左一个我记得既一组数字(仲有唔知系打紧比边个)同样既问题，同样既答案，就同当初Eid第一次打比我一样，不过身份对调左。然后所发生既一切、一切，就好似涌泉甘停唔到。

“你无事呀嘛？如果你真系唔想去，我车你走!”

“无事，行啦，我信你，我地上去

电话既预言者讲得岩，我实会喊，而且唔使等到见到面(依家就滴紧啦)我唔知点解自己仲要上去，其实我好清楚上面等住我既系咩人。但系呢个人既样貌就好似经过模糊化甘，点睇都睇唔清楚，我要去睇清呢个人。唔记得阿水同我讲过：如果唔可以忘记，就选择勇敢面对。话甘快我已经来到门口，我完全唔知道我系点来到，而Eid仲系问我入唔入去。我话

“我会自己处理!”

门大开啦，果一刻我个心好似比一千吨野压住甘，完全唔能够呼吸，眼前一个熟悉既身影行过来揽住我。佢系我耳边讲左句

“好耐无见!我返左来几日啦”

低沉带磁既声线、高大既身影、温热既熊抱，令到我既眼泪一发不可收拾。我揽住佢(放开佢，一个情种有咩好留恋，但系又真系好想已后都甘揽住佢)系我内心战斗紧既时候，一只天使既手打救左我。呢只曾经系蛋散、乜水、绑匪既手，有力甘将我从佢怀抱里面拉出来，然后收于手主人既背后，使我双手揽住佢背对了屋里面既所有人。我靠住佢既背系到轻轻甘揪泣，呢只手发挥最大既功用紧握住我，好似要传来最大既力量
“唔好揪我女朋友水呀!吃得未呀，我好肚饿啦？24个钟无吃过野啦”

“聚下旧唔得咩？24个钟？有无夸D添呀。得啦，等你地喳，埋台啦!”

“聚旧要揽住聚既咩？等我地去个厕所先!”

“使唔使两个一齐去呀，惊我地吃左佢咩，大家都甘熟啦，你地有咩要表演我地唔介意睇果啵!”

“我地就系仲意甘呀，吹咩？唔抵得呀!无理班傻佬，我地行!”

我系佢背后已经发唔出声音，只好轻轻头下头示意。佢转身改边揽住我，然后带我行上二楼。
佢拖住我慢慢行上二楼，我低下头好似一个比人捉住把柄既小朋友，一声都唔敢发。我好希望呢条楼梯无尽头，甘起码我唔需要担心再返落去面对佢果一刻，原来我坚强只系因为我见唔到。正如人地讲{英雄无泪只是未到伤心时}。

“多谢你。”(好自然甘开左声，我唔知自己多谢佢系因为佢帮我解左围，定系将我带左来见佢，又或者系教左我面对，我呢一刻净系好想多野佢)

“对唔住!”
Never mind ,I don"t mind”

"如果你想走我依家马上陪你走!"(我想见佢)

"唔使啦,我真系无事啦,岩岩系因为太激动所以一时控制唔住者,你唔系去厕所咩,快去啦"

"等我,唔好自己落去,果晚系禽兽来架!"(我好早就知道呢个系狼窝啦)

"知啦!"
Eid去左厕所,我成个人崩溃了.点解佢会返左来架,唔系讲好左大家以后唔会见既咩,唔系讲好左唔再联络既咩,甘依家者系算点呀?系我原全将呢段情(应该系话呢个人既所有事)忘记既时候,点解佢仲要返来扰乱我.我好想知点解佢会甘做,但系我唔敢去问佢,因为我连同佢讲多一句说话既勇气都无,我太担心我会再次比佢吸引,又再次跌落无底深渊!

"你地得未呀?"(佢突然出现系我身后面)!

"得啦!等佢!"

好好笑,我讲既声音细到连自己都听唔到,而且全身僵硬,因为我已经感受到有佢空气既压力!呢个时候Eid系厕所冲左出来,好似里面有鬼甘,然后又将我藏于身后(原来我系易碎品)

"唔使紧张呀,我上来睇下你地得未喳!你使唔使甘夸,裤链都唔拉就飞出来."

Eid马上睇下自己条裤链,然后知道自己上当了,我呢都随住佢呢句话笑左起身.佢就系甘既人,可以随时随地甘将气氛换和.

傻傻地既黎件 蛋散........

作架系米啊?      .

有无先～～～～～～～～～～～～～～～～～～～～～～～～～～～～～～