08届毕业生忠告下一届师弟，师妹！尤其係新生
今日翻学校办退宿手续，啉住攞翻嗰300蚊押金～～～点知啊，烦到蕉咁！！！啉住翻去收钱，点知仲要俾人“锯”到一颈血，做咗墨鱼～～作为师兄嘅我有责任话俾下一届嘅毕业生同顺职新生知，千祈唔好学得我哋咁笨！！
1、如果你哋第一日入宿，唔理3721，试过晒宿舍所有嘅物品，电器以及厕所，总之入面嘅所有嘢都要试匀晒佢！
2、发现有乜唔妥嘅，烂嘅，唔啱数嘅，即刻报修，因为头1个月整嘢係唔使钱嘅（我哋都係学期尾先知，俾人揾笨）仲有宿舍入面应该有D乜，无D乜要问清楚，唔係到时明明入宿无，退缩嘅时候话有就真係攞嚟吵，所以一定要点清所有嘅嘢～～！因为到咗你哋毕业退宿嗰阵，嗰D物业管理嘅人渣会上嚟验货，小小鸡毛蒜皮嘅损伤都话扣钱，激到你呕肺！一张凳成90蚊～～～一条宿舍锁匙30蚊（好过去抢！！！！！！）
3、keep住入宿时嘅所有单据，借书证等，直到你毕业退缩为止！仲有就係每个人一定要在毕业前清晒所有水电费，住宿费，因为佢好抵死，你只要有一个学生欠住宿费，就全宿舍都唔俾你攞翻嗰300大元押金，好似话连毕业证都扣住！
4、最后就係退宿嗰日一定要齐人，早D翻去清洁（呢样都要扣钱！◎＃￥％……※×）尽量唔好做墨鱼，俾佢哋有借口抽你哋水（扣钱啊）可能仲有D咩漏咗讲我唔知嘅，你哋最好尽早问清楚佢！！！ 切记切记～～～～！！！！！
