过咗去就算啦.
何必就着个错误唔比机会人地翻身呢??
LG我支持你....因为我都叫啊莹~~哈哈~~

引用:

原帖由 粉红天使猪 于 2008-6-18 11:02 发表
我最憎就系D人讲左唔做架啦！！！做唔到，就米应承人啊嘛！！！

对唔住，我知道佢都好憎我哩样，唔系我做唔到，我做个件事之前我都有评估个结果，我知有危险性，但系有D事我真系好想知道，好想去确认，如果真系有甘嘅事，我就要学识点去应对，幸福系需要自己争取，我唔想放过任何机会。你认为我真系想甘做？你认为我甘做一定会好开心呀？

我同佢家境唔同，佢屋企人接受我嘅机会好低，佢D家姐都系相睇结婚咖，你认为我可以乜都唔做等结果咩？我都好想佢可以为左我逃婚，我都好想佢可以顾下我嘅忧虑，由我同佢开始就意识到哩个问题最终都要解决，我唔想我同佢之前无结果，或者我唔同你，你唔需要考虑哩D，你可能只会谂到目前，但系我系向前睇咖，我唔可以企系原地，等件事慢慢步近。到个时要谂解决方法就迟啦。我做事一定要有所计划，我好想系件事发生前就做好晒准备。上次同佢分手，我就应承过佢我一定会做到，我做到左，但系突然出现情况，我觉得有可能会发生哩种事，我唔可以唔理。我做到左，佢会睇到咩？我真系有诚意去改变宜家嘅一切。我唔想再令佢伤心。我知道我犯过好多次错，但系我哩次系有心改，点解佢唔谂下我？如果我唔去做准备，佢妈一定会系最后拆散我地咖，好地地一对情侣，比作系你地，你地都可以承受到咩？

粉红天使猪，你会唔会明白我感受？你会唔会明白我要顾虑乜？你会唔会有我甘谂过，唔可以再见一步行一步啦，再系甘以后谂到头大都唔会有解决方法，我同佢拍拖完全系为左结婚，相爱到结婚，唔系你地甘拍下拖，玩下就算个D。女仔唔需要谂哩D，但系男仔要呀，你只系谂到我甘做唔啱，但无从我嘅角度，从男仔角度去思考哩个问题。对我黎讲，你同小朋友无分别，因为你唔会向前望。前面嘅问题你永远只想到左再解决，而唔会懂得未雨绸缪。

具体事情真相你唔了解就系度乱评我，你有理过人地感受咩？如果到你真系深爱上一个甘嘅人，而对方家长又介意你，唔通你甘就想放弃？甘我可以讲你知，你唔佩拥有哩段感情。

希望大家多多支持我，一段感情好难得，放弃就好可惜，如果我放弃就证明左我哩年几时间无对佢认真过。无数次离离合合，我都唔愿同佢分开，就算分手，我都会追返佢。因为我知道佢对我黎讲好重要。经历甘多次风浪，我希望可以同佢嘅感情坚固D。

当我地之间存在一堵墙时，我希望你能勇敢甘与我一齐跨过，就算唔可以跨过，我地都要谂尽办法穿过，逃到一个无墙，无阻隔嘅地方一齐生活。

讲真，虽然承诺好好听，但系我觉得你的实际行动比起你的承诺更有说服力咯，

实际行动？我想问，就算有实际行动，佢可以点样睇得到？

爱一个人唔系应该容忍对方一切咩？我真系好爱佢，我可以容忍佢嘅一切，但系点解佢又唔可以容忍我？我唔了解佢，系因为佢从来好少讲佢嘅事俾我知，我都会将我嘅事都同佢讲，佢话佢了解我，可以唔了解佢，乜都唔同我讲，我可以点样了解？

佢成日话我唔信佢，并唔系唔信，而系好多野都唔肯同我讲，我相信你但你会睇到吗？点解我有疑心个时，你唔可以积极甘去消除我嘅疑心呢？当你对我有疑问个时我就好耐心甘解答你所有。点解你就唔可以甘？真系好似阿妈话甘？哩年几里面你无我爱你甘爱我？

男人好多时都系得个讲，到最后都系做唔到，（做唔到之后又会有好多借口作解释）

讲左就要做到喇.,5好讲过5算数先得架;..

我都话有我嘅原因咯，我唔会做无原因嘅事。事出必有因，绝唔会用无聊做借口。哩个系我嘅原则。