1月8日
番到屋企已经七点几,屋企一个人都无,其实系我未放工个阵.老豆已经打电话话我知唔番屋企食饭,点知连呀妈都无番,谂住一个人系屋企,于是就无煮饭直接走入房上网,唔知系咪年纪大佐,最近钟意听故仔,一开部电脑就即刻点击<朱元璋演义>听佐两集,已经八点几,见好耐无打球,想出去打下球,点知出到去七队球场,黑麻麻,人影都无只,于是兜去公园个球场,晕.摆满晒滩,打电话问个朋友点解无人打球,原来依家D人系星期五至星期日先出黎打球噶,晕.足以证明我真系好耐无打球,因为今晚无食过饭,又谂住打下球就无胃口食野就唔会肚饿,点知无人打球,觉得肚饿,一个开部车出杏坛,想去惠文食个面,一边开.一边谂甘夜惠文唔知关门未呢,出到去真系关门,晕!于是兜去十八米路.经过廿四小时谂住食碗粥.但又怕唔饱夜D会肚饿,于是走去同呀茅食过几次既个间<桂林米粉店>个度
煮粉靓女:要什么?
我:可不可以两种配料一齐的?
煮粉靓女:可以,但是要8块的
我:没有5块的吗?
煮粉靓女:这个要8块的
我:哦,好,没问题,那我就要一个***粉吧
煮粉靓女:哦,那你要几块的?
我: .........8块的
点完之后,我坐系路边,突然间谂起:条街甘多人,座系度食野,会会好奇怪呢,但我又谂谂,杏坛人嘛,系甘噶啦.坐佐一阵.个粉就黎喇,个间野系几快手噶,可能无乜人去,一边食,我又记番起个次系上海,个晚我地搭夜机系浙江飞过上海,因为飞机误点,所以去到我地既目的地已经好夜啦,安顿好之后,老细就同埋我地出去揾野食,点知四围D铺头都关晒门,行佐成里路先见到间刀削面,于是唔理甘多走过去,个老板问我地食几多既,我见个牌写住:四两:3.5元,半斤:4元,晕,我见差五毫子就话要半斤拉面啦,老细就点佐四两刀削面,个业务经理去佐买烟.老细话,佢应该食到半斤噶,于是帮佢点半斤,跟住就见到有个帅哥罗旧面出黎削,老细话:哇,小师父,刀法这么利害.点知就系哩一句话就出事喇.我个半斤拉面就起码多佐二两,老细个四两刀削面变佐半斤,业务经理个刀削面半斤食饱佢之后,只碗仲有半斤,个业务经理仲帮碗面影佐张相留念添!晕
嗱嗱淋食完个粉,番到屋企已经十点几啦,一打开门呀饭又第一时间出黎抱住我只脚了~
