呢派真系好烦，但系我又唔可以系我既空间同原来既论坛里面写，因为我知道你一定会T到～～
所以今晚我偷偷走左过呢度留下呢段说话：
呢派我觉得好烦，呢两日林起你，林起你个晚对我既态度，留底我一个，我突然觉得你好陌生，或者你个晚离开只系唔想伤害我，（我亦只能用呢句话黎麻醉自己）但系其实我个晚好唔开心，原来我以为你会系我既一举一动里面发现，但系，你却好似无动于衷，仲记得你同我讲过既野吗？？你话会陪系我身边架，但系点解个晚你要留低我一个......黑暗中，我系度喊，你究竟知唔知？？
我知道第二日你坐系床边望住我，但我唔敢睁开眼睛，我怕你发现我红肿既双眼，好丑.....
返屋K之后，我一直系度林我地之间既一切一切，过个女仔所同我讲既野我一D都唔在乎，只要同你一起就够啦～～
但系，我依家发现，我好讨厌依家既自己，自从个次同距分手之后，我开始决定唔再对男仔好，我开始决定，我唔要爱男仔多过爱自己，所以我决定做一个野蛮既女仔，我要D男仔爱我多过我爱距，付出要俾我多！因为只要甘样，我先可以唔受到伤害～～
一直以来，我好似个花心男仔甘，中意点就点，中意对你好就好，发脾气就发脾气。永远只有我岩，得你错，我系度做紧一个衰人，我既刺伤左身边好多男仔，我唔愿去用我既真心去面对迎面而来既每一段感情！
直到遇到你，我先慢慢开始尝试用返真心去对你，我学住一DD甘向呢段感情里面投放感情，为左你，我学住慢慢甘改变，做返一个温柔既女友，我发现，我开始慢慢甘变返以前.........
依家，我开始觉得恐惧，我开始觉得依家既自己恐怖，我唔知道自己几时候会变得甘依赖你，我怕，我好想收返小小投放系你身上既感情，我怕受伤，我怕重蹈覆切，个种心疼，我已经再亦经受唔起啦！我怕见到依家既你，我怕，真系好怕`````
我唔知道系因为你工作上真系好忙定系你对我既感情已经变左，或者我系度讲可能好蠢，无咩用，但系，以依家既我，我真系唔敢同你讲啊～所以我呢几日系度静静甘林.........
我好累，想系以后唔再甘依赖你，唔再甘挂住你，唔再继续为你而变更多，但系我仍然会系你身边，继续爱你，做返一个对你好既女朋友，只系......我想停底所有进行中既野，对你，我只会好到目前呢种程度，挂著你，我亦只会到目前呢种程度，所有既改变，就只到目前既状况～！我会慢慢学独立，直到，直到，直到我稳返原来既自己......
