千嬅誓要放假陪媽咪行街
楊千嬅向來孝順，為了母親節能夠陪母親，所以之前一晚特別趕工完成錄音工作，好讓自己有一天假期跟母親慶祝。昨日早上出席活動時，她的雙眼亦有點浮腫，她表示出席完活動之後，便會陪媽咪行街兼食飯。千嬅笑言：「今日（昨日）是母親節，我死都不肯開工，自從上次辦完年貨都沒有陪過媽咪行街，所以一定要陪她shopping和吃餐飯。」
禮物方面，她送了一部鋼琴給媽咪，因為媽咪這陣子表示想學琴。她現在與家人同住，她覺得跟家人一起住的感覺很好，獨居的感覺像乞兒妹。之前千嬅在半山租住的居所，要到年底先租約期滿，所以這段時間便給朋友暫住，她亦當為一個中途站，有時貪方便就上去歇一歇腳，對於有指這是她的風水屋，她表示並沒有這回事。
脫髮與日常飲食有關
另外，千嬅早前和和衛詩（Jill）出席同一個活動，活動上Jill被發現有脫髮現象，千嬅表示沒有留意到，她自己亦沒有這方面的問題，現時最想為十月舉行的演唱會留長髮，不過應該趕不及，到時多數要駁髮。當過護士的千嬅指脫髮跟日常飲食方面有關，必須吃有需要的維他命和吸收營養，鬼剃頭是沒有邏輯的講法，一定要做身體檢查來確定所欠缺的維他命。
千嬅捱夜為陪母過節
楊千嬅、泳兒、黎瑞恩等昨日出席《2007香港傑出時代母親》評選，在活動尾聲，黎瑞恩到台上向家姑曾黃麗群獻花，而家姑則大讚黎瑞恩孝順、好乖，大家都有互相溝通，沒有婆媳問題存在。而千嬅為了能陪父母慶祝母親節，不惜漏夜完成錄音工作。
【新報訊】記者曉妍報道﹕泳兒透露媽媽都有到場，還應記者要求親吻媽咪，問到怎樣慶祝母親節﹖泳兒說﹕「之前同媽咪食上海菜慶祝，因為今日有做，不過夜晚都會同媽咪食飯，而且我都送份餐單畀媽咪，因為佢同我一樣有皮膚敏感，有次我見佢飲汽水，我嬲到一手搶支汽水，然後拋去垃圾桶，仲冇睬媽咪，所以我依家畀份餐單佢，等佢知道我係錫佢，餐單寫住唔可以食冷、酸、辣，又唔可以食朱古力，希望媽咪聽話啦﹗」泳兒表示有對情侶朋友原相約她昨晚到蘭桂坊，但她怕有狗仔隊跟蹤，免得被人指她做第三者、電燈膽，所以惟有拒絕友人邀請。
為子女做榜樣
黎瑞恩表示仔女已送母親節卡給她，她說﹕「小朋友健康，我已經好開心，之前我同媽咪食飯，今晚會同奶奶食，不過老公大陸做，（奶奶讚你喎﹖）OK啦，我做我本分，係要孝順老人家，唔通要老人家就我咩﹖（你有冇婆媳問題﹖）冇，所以有時有報道話我有問題，我都唔明，唔使解釋，我見到奶奶唔開心，我會問佢係咪我有地方做錯，大家都會溝通，（有咩心得﹖）互相尊重，好似我同小朋友去海洋公園，我都會同埋奶奶去，（會唔會生多個﹖）唔會，兩個就夠，如果生3個，中間個會好慘，我忽略一個，我又會好內疚，（太太、媽媽同新抱，邊樣最難做﹖）媽媽，因為要做好榜樣畀小朋友睇。」
此外，千嬅表示前晚漏夜錄音，希望昨天可以放假陪父母食飯慶祝，她又表示送了一個鋼琴給媽媽作為母親節禮物，千嬅說﹕「噚晚要錄音，冇得，因為我唔想今日開工，我要同媽咪食飯慶祝，有時間想同佢行街，（好耐冇同媽咪行街﹖）係呀，對上一次係同佢辦年貨，幾個月都冇同佢行街，好彩我同父母住，起碼有時都會見到，以前出面住，好似乞兒妹咁，（之前有報道話你半山間屋，有人話係風水屋﹖）人講（指風水屋），我依家都冇住，（你咪白交租﹖）畀我朋友住囉﹗」
為個唱留長髮
談到有報道指千嬅與衛詩出席活動，發現衛詩有甩髮現象，千嬅說﹕「我睇唔到喎，（你有冇試過﹖）我依家好想留長髮，因為10月開演唱會，我要留長頭髮，（駁髮﹖）我唔想，好痛，其實甩髮係因為同營養有關，有人話鬼剃頭，根本唔合邏輯。」
