查看完整版本: 屋企人希望我搵个有钱老公

屋企人希望我搵个有钱老公

[size=6]可能有D长，请大家慢慢阅读，俾D意见我啦！多谢




以前一直都觉得自己好寂寞，好闷，成日想去搵咩节目，撩人哋去食下饭啊，饮下啤酒啊，去宣泄自己嘅唔快乐，日日颓废咁过日子！无拍拖年多，虽然渴望拍拖，但一直都系唔强求，等待人哋追我，但等咗年多都无个似D样嘅人追我，我就系到自我嘲笑，系咪以前作孽太多，依家个天要惩罚我！或者系我自己要求太高，无男人符合我嘅要求！
后来有人就好似童话故事中嘅王子咁出现，围绕系我身边，关心我，照顾我，爱护我，努力咁想打开我心里面个块封碑，拯救我，令我唔再抗拒，唔再过以前个种令人心痛嘅生活！
巨无王子嘅样貌，财富，身材，同我想要嘅相差简直十万八千里远，以前我一直都追求一种超现实嘅生活，我唔要同人哋去挨生活，我要嫁得比人哋好，依个就系我嘅信念！
但遇到巨后，令我谂翻起以前某人对我嘅好，同埋我以前嘅唔懂珍惜，到后来后悔了，先发现一切都迟了，个种感觉好深刻！
巨可以讲系咩都无，但对我就有一颗炽热嘅心，我系咪应该真正咁打开个心去接受巨，心安理得咁去接受巨对我嘅好，其实好似我依D脾气咁差，性格咁大女人主义嘅人，真系好难搵到一个真心去迁就自己嘅人，有时候我脾气好差，专将D怨气发晒系巨身上，但巨一句怨言都无！我热气，巨三更半夜专登买凉茶俾我，打我电话无人听，巨系出面等我成个钟，俾杯凉茶我就走人！我病咗，巨频频扑扑买药俾我食！我中午无饭食，巨顶住个大太阳过黎同我去食饭！好多嘢好多嘢，巨为我付出嘅我都睇到，而我系咪应该真心去接受巨？其实以前有个男嘅就话我，你拍拖真系好睇样，以前我一直都系到否认，但到依家我不得不承认系我内心深处有依个念头，每次同巨出街，我都唔敢同巨拖手，我怕俾熟人见到，我唔明自己点解有依种谂法，后来自己慢慢系到谂，因为我介意！我系咪好贱啊？其实我接受依个男人了，但我仲需要时间去让巨接触我嘅生活圈子！

寻晚系我同巨倾完一个电话后，我家姐问我系咪拍紧拖，我话唔系！巨叫我考虑清楚：“依家唔系细路哥玩泥沙，你自己咩环境你知道，我唔希望你去挨，我自己嘅已经成定局，我都无能力再去搵一个条件好嘅男人，我只系想你搵个条件好D嘅男人，俾到富足嘅生活你，我睇唔到屋企，我都希望你可以睇到，贫贱夫妻百事哀，依个道理你应该明白，你睇到我同**（巨男朋友）为结婚几辛苦，可能你依家睇到我哋好开心咁，但膊头上嘅压力有几重你哋又知道嚒？况且依家离婚率咁高，你嫁个有钱嘅，无钱嘅都系要离婚，反正都系咁了，点解唔搵个有钱嘅，起码离婚了，都有D揸拿！”讲咗咁多嘢后，我真系唔知道要点答巨，我只系谂，有钱人？我睇得上巨，巨都未必睇得上我，我自己咩条件我知道，只系讲句：“我想搵个对我好嘅人，嫁个有钱嘅我唔一定会幸福！”巨就话：“你咁讲即系拍紧啦，乜嫁个无钱嘅你一定幸福咩？”一句话令我语塞！巨继续讲：“我知道你以前拍拖都俾人呃过，你拍拖一直都系得个死冲，唔识谂其他嘢，唔知咩叫带眼识人，唔会考虑其他方面嘅嘢。”我心里谂，唔系我唔识得睇人，而系我睇得好清楚，都仲钟个头落去！爱情永远都系盲目嘅！我讲我依家只系观望阶段，巨话：“咁就最好啦，今晚嘅话我只系同你讲一次，听唔听随你！”我觉得依句话我听咗好“哽耳”，系咩方面巨都要管我，可能系我人真系比较蠢了，令到巨好唔放心我，但巨嘅语气就唔似系俾意见，而系命令，之前我妈都同我略略咁讲过，希望我搵个有钱嘅，巨同家姐都唔想我同个嗰人行！或者为人父母巨唔好讲太多依D，会俾人唔好嘅感觉！甚至我当初讲出依个男存在嘅时候，我朋友都反对！
我听咗唔舒服，我成晚都训唔着！我谂咗成晚，但我谂唔通！我应该选择边样，屋企人嘅出发点肯定系为我好嘅，巨哋过嘅桥比我行嘅路仲要多，讲嘅道理我无办法可以辩驳！但依个男嘅对我真系好好，之前我讲过，依个男嘅真系一无所有，巨只可以靠自己双手去打拼！所以将来系一个未知数！嗰心好忐忑！
好多人都同我讲，都系用股票去形容男人，真系唔知系咪巧合！“男人系股票，你要分析巨，适唔适合做长线投资，你要多观察了解，巨对生活的态度，在日常生活中，巨系吾系识得勤俭节约，大花洒就差啊，待人接物系吾系得体，人比较实际踏实，重家庭，懂生活，呢的系巨的家庭教育，你要睇到你的长线投资能否有回报，钱多钱小吾系问题，重要的系人品，暂时无钱吾紧要，一有机会发达－－－就系潜力股！”巨又同我讲：“猪：拍拖结婚你要问自己几个问题1、为何结婚？2、你中意巨什么？3：你能处理带来的社会关系？4：巨能为你带来开心的生活？你一定要了解清楚，这是你家人担心的事，当问题答清楚，就拍拖结婚！”真系好多谢我以前嘅一位同事，教我点做，拯救我依只迷途小羔羊！有D生活阅历嘅人，谂嘅嘢，讲嘅嘢都都系有力好多！我听咗个心有种扩然开朗嘅感觉，巨仲鼓励我：要加油啊，如果巨人好，迟早家人接受的！
阴霾扫走了，原本我打算将依件事埋系心底，但依家有人开解我了，问题解决了，讲出黎都无所谓！我觉得生活都系照以前咁过，只不过我要考虑更多了，比以前更加小心了，因为我为嘅唔再系我自己，而系一个家庭[/size]

[[i] 本帖最后由 我系可爱小猪唛 于 2008-6-26 13:58 编辑 [/i]]

既然无人坐沙发，就等我坐咯，毕竟大家都系老乡嘛。
讲真一句，睇左开头之后个几段话，我真系唔系好想继续睇落去。
对于LG既人品、性格同家庭情况一概不评论，只有一句忠告：有钱既老公不一定可能令到你活得好幸福；但一个爱你的老公就一定可以令到你生活得幸福！

我觉得你家姐讲得好岩..
做家长嘅梗系希望你嫁得好啦...
但做朋友嘅..
就希望你嫁得幸福..
你自己捻囖....

甘做人唔系甘肤浅既。。。睇宜家既。。。。人系向前望。。。距可以没钱但系唔可以没志气。。。

做女仔，屋企个个都想你嫁得好。。。
我听过的说话，更不堪入耳，先20岁女，脑笋都未生埋，就不断甘有人灌输D甘既信息比我，有时我都觉得好烦啊。

::em08:: 结婚的确系人生大事，你可以分析同理解你既需求，但有无考虑过你日后既生活，始终都系平淡地过去，有钱同无钱既生活性质系唔同架，你目的系要知道你既追求者最大需求，因为始终都决定于你手上

[quote]原帖由 [i]Y添少Y[/i] 于 2008-6-24 17:48 发表 [url=http://bbs.shunderen.com/redirect.php?goto=findpost&pid=3071095&ptid=751915][img]http://bbs.shunderen.com/images/common/back.gif[/img][/url]
既然无人坐沙发，就等我坐咯，毕竟大家都系老乡嘛。
讲真一句，睇左开头之后个几段话，我真系唔系好想继续睇落去。
对于LG既人品、性格同家庭情况一概不评论，只有一句忠告：有钱既老公不一定可能令到你活得好幸福 ... [/quote]

思想单纯.........

[quote]原帖由 [i]terrysinny[/i] 于 2008-6-25 09:17 发表 [url=http://bbs.shunderen.com/redirect.php?goto=findpost&pid=3075032&ptid=751915][img]http://bbs.shunderen.com/images/common/back.gif[/img][/url]


思想单纯......... [/quote]你话我定系巨？::em07::

[quote]原帖由 [i]Y添少Y[/i] 于 2008-6-24 17:48 发表 [url=http://bbs.shunderen.com/redirect.php?goto=findpost&pid=3071095&ptid=751915][img]http://bbs.shunderen.com/images/common/back.gif[/img][/url]
既然无人坐沙发，就等我坐咯，毕竟大家都系老乡嘛。
讲真一句，睇左开头之后个几段话，我真系唔系好想继续睇落去。
对于LG既人品、性格同家庭情况一概不评论，只有一句忠告：有钱既老公不一定可能令到你活得好幸福 ... [/quote]你咁讲即系我人品，性格，家庭情况好差啫？真系无言！如果我依D真系有问题嘅，我就唔会咁烦，一味搵个有钱人嫁巨就算啦！你以为无人介绍有钱嘅人俾我识咩？系我唔想太过强求咋

[quote]原帖由 [i]だ小蠍ざ薆が[/i] 于 2008-6-24 18:06 发表 [url=http://bbs.shunderen.com/redirect.php?goto=findpost&pid=3071223&ptid=751915][img]http://bbs.shunderen.com/images/common/back.gif[/img][/url]
我觉得你家姐讲得好岩..
做家长嘅梗系希望你嫁得好啦...
但做朋友嘅..
就希望你嫁得幸福..
你自己捻囖.... [/quote]真系讲得好正确，我知道鱼与熊掌不可兼得，但仍然希望可以发生系我身上，虽然机会好渺茫！我知道钱同权利可以令到一段曾经最真挚嘅感情变质，但贫贱夫妻百事哀。依个道理结婚嘅朋友一定好深刻感受到啊

[quote]原帖由 [i]蓝玫瑰[/i] 于 2008-6-24 21:07 发表 [url=http://bbs.shunderen.com/redirect.php?goto=findpost&pid=3072229&ptid=751915][img]http://bbs.shunderen.com/images/common/back.gif[/img][/url]
做女仔，屋企个个都想你嫁得好。。。
我听过的说话，更不堪入耳，先20岁女，脑笋都未生埋，就不断甘有人灌输D甘既信息比我，有时我都觉得好烦啊。 [/quote]依家社会就系咁现实咖啦

顶翻上去::em31:: ::em31::

~~~有錢老公又點？婚前財産公正～～～～～～～～～～～～～離婚後妳一樣係一無所有
～做人唔可以咁無知～～而家無錢唔代表將來無錢，同樣，而家有錢亦都唔代表將來都有錢～！
～關鍵係妳認識個個人肯唔肯上進啫～～二世祖～始終敗家～！

～～希望樓主記住------"錢要自己穩先叫做自己既錢"～！
～仲有啊～抓緊妳自己既幸福，唔係既話～錯過唑既話就後悔都無用咖喇～！
～～衆口鑠金，即毀銷骨.口生係人地個度，人地要講乜嘢我地阻止唔到，但起碼，我地有思想，有靈魂，有自我
～樓主加油啊～支持妳～～::em22:: ~!

[[i] 本帖最后由 逍遥散人 于 2008-6-26 14:40 编辑 [/i]]

::em03:: 我一向认为男女平等咯，个男有钱未必我有钱，我有钱未必个男有钱，可能我比较独立小小咯，我自己挣返来既钱才是我自己既钱，就算无钱同有钱都系自己问题咯

老实讲...
你依家嘅情况我以前都试过....
我家姐都系甘讲..
但佢都无勉强我..净系话.日后嘅路系你自己行.
希望你米后悔....


我有朋友甘讲:有钱又出去沟女,无钱都出去沟女.
甘点解唔稳个有钱嘅结婚?
等佢出去沟饱佢.我自己有钱使就得..
讲真..
我觉得呢D野个个都唔同捻法..
最紧要自己米后悔~

::cai32:: ::cai32::

::caicai12:: ::caicai12:: ::caicai12:: ::caicai12::

样样野都要林清林楚先决定吖

屋K人肯定是为你好噶

    但是你自己有主见噶嘛

          最终决定权都是系你手上

上2个月过去上海, 见翻D大学同学, 讲起她们的相体史.

其一友人说:
"其实跟那个男的很早都知道的了, 就是没有见过面, 也不怎么想见面.
后面就过了一两年了, 有朋友又开始推荐他给我, 还说他刚走市区买了房子,
我心里想; 好歹也在市区买了房子啊, 去见见吧."

我听了之后///发现
这个社会真系好现实的.............

我跟我BF都系打工, 工资都算OK, 生活过得很滋润.
确认物质丰富了. 生活是好点的.
我觉得处于小资阶段是最好的.
过头了质会变的.

男人在追你的时候都会特别好. 你自己想清楚. 因为看你的文章你对他的外貌, 财富都不甚满意. 当感情发展到一定阶段变淡的时候, 你可能会嫌弃他.

注意的一点 : 感情一定会变淡的.

不过前提也是要看看你现在年龄多少了.............